سامسۆنگ 24, ته‌مموز 2019

گالەکسی Note 10 خاوەن بارگاویکەرەوەی خێرای جۆری Ultra-fast دەبێت

تا دێت نزیک دەبینەوە لە ڕێکەوتی ڕاگەیاندنی مۆبایلی گالەکسی Note 10 لە لایەن سامسۆنگەوە کە وا بڕیارە لە ڕێکەوتی 7 ـی مانگی داهاتوودا لە کۆنگرەیەکی تایبەتدا نمایش بکرێت. بەم بۆنەیەوە، پڕوپاگەندەکان دەربارەی مۆبایلەکە تاوەکو کاتی بەردەستکردنی بەردەوامییان دەبێت.

بە پێی ڕاپۆرتێکی پێگەی WinFuture، مۆبایلی گالەکسی Note 10 Plus خاوەن ڕوونمایەک دەبێت بە قەبارەی 6.8، بەڵام پێکهاتەی ڕوونماکەی هەمان پێکهاتەی ڕوونمای گالەکسی Note 9 دەبێت. ئەوەی مۆبایلەکانی گالەکسی Note 10 و گالەکسی Note 10 Plus جیا دەکاتەوە، نەبوونی دەرچەی microSD و بیستۆک دەبێت لە گالەکسی Note 10 Plus ـدا.

لەگەڵ ئەوەشدا، پێگەکە دەڵێت کە مۆبایلەکانی گالەکسی Note 10 و گالەکسی Note 10 Plus خاوەن بارگاویکەرەوەی خێرای جۆری Ultra-fast دەبن بە توانای 45 وات و 20 وات لە کاتی بارگاویکردنەوەی بێوایەردا. هەروەها چاوەڕوان دەکرێت توانای بارگاویکردنەوەی بێوایەر لە ڕێگەی تایبەتمەندی PowerShare ـەوە بۆ 15 وات بەرز بکرێتەوە.

پێشبینی دەکرێت مۆبایلەکانی گالەکسی Note 10 و گالەکسی Note 10 Plus خاوەن پڕۆسێسەری Snapdragon 855 Plus یاخود Exynos 9825 ببن و لە پشتەوە خاوەن 3 کامێرا و لە پێشەوە خاوەن کامێرایەک ببن.

سەرچاوە :
بۆچونی تۆ