ئەپڵ وەشانەکانی iOS 13.1.1 و iPadOS 13.1.1 ـی بە چارەسەرکردنی چەند کێشەیەکەوە بۆ سەرجەم بەکارهێنەران بەردەستکرد

بە شێوەیەکی چاوەڕوان نەکراو، کەمێک پێش ئێستا کۆمپانیای ئەپڵ وەشانەکانی iOS 13.1.1 و iPadOS 13.1.1 ـی بە چارەسەرکردنی چەند کێشەیەکەوە بۆ سەرجەم بەکارهێنەرانی ئایفۆن و ئایپاد و ئایپۆدەکانی بەردەستکرد.

وەشانی نوێی iOS 13.1.1 قەبارەی 114 مێگابایتە بۆ iPhone XS Max و قەبارەی iPadOS 13.1.1 نەزاندراوە. لەم وەشانە نوێیانەدا، بایەخ بە چارەسەرکردنی چەند کێشەیەک دراوە و کێشەی زوو دابەزینی وزەی پاتری و خاوبوونەوە چارەسەر کراوە. گرنگترین چاکسازی لە وەشانە نوێیەکەدا، چارەسەرکردنی کەلێنێکی ئاسایشییە کە وشە نووسراوەکانی تەختەکلیلە لایەنە سێیەمینەکانی دەنارد بۆ درووستکەرانیان.

گرنگترین گۆڕانکارییەکانی وەشانەکانی iOS 13.1.1 و iPadOS 13.1.1:

• چارەسەرکردنی کێشەی گەڕاندنەوەی Backup ـەکان بۆ ئایفۆن.
• چارەسەرکردنی دابەزینی وزەی پاتری بە شێوەیەکی خێرا.
• چارەسەرکردنی کێشەی ناسینەوەی داواکارییەکانی Siri لە iPhone 11 و iPhone 11 Pro و iPhone 11 Pro Max.
• چارەسەرکردنی کێشەی گەڕان لە Safari.
• چارەسەرکردنی کێشەی هاودەمیکردن (Sync) ـی ئەپی Reminders بە خاوی.
• چارەسەرکردنی کەلێنێکی ئاسایشی کە وشە نووسراوەکانی تەختەکلیلە لایەنە سێیەمینەکانی دەنارد بۆ درووستکەرانیان.

چۆنیەتی نوێکردنەوەی وەشان لە iOS:

• کردنەوەی ئەپی Settings
• کردنەوەی بەشی General
• کردنەوەی بەشی Software Update
• کرتە کردن لە Download and install

تێبینی بۆ نوێکردنەوەی وەشان:

• پێویستە وزەی پاتری ئامێرەکەت لە 50% زیاتر بێت.
• پێویستت بە ئینتەرنێتی وایفای هەیە بۆ نوێکردنەوەی وەشان.

ماکوان بەرزان

نووسەری پێشکەوتوو، هەوادار و گەشەپێدەری سەکۆکانی ئەپڵ.