شاومی

شاومی مۆبایلی Redmi Note 7S ـی بە کامێرای 48 مێگاپێکسڵ و پڕۆسێسەری Snapdragon 660 ـەوە ڕاگەیاند

کۆمپانیای شاومی مۆبایلێکی دیکەی نرخ هەرزانی لە زنجیرە مۆبایلی Redmi ڕاگەیاند، ئەمەش لە دوای ڕاگەیاندنی هەر یەکە لە مۆبایلەکانی Redmi Note 7 و Redmi Note 7 Pro لە ماوەی ڕابردوودا.

ئەم مۆبایلە نوێیەی زنجیرەی Redmi خاوەن هەمان دیزاینی مۆبایلەکانی Redmi Note 7 و Redmi Note 7 Pro ـە. خاوەن ڕوونمایەکە بە قەبارەی 6.3 ئینج لە جۆری LCD و بە ڕوونی +Full HD. لە پشتەوە خاوەن 2 کامێرایە بە ڕوونی 48 و 5 مێگاپێکسڵ، هەروەها لە پێشەوە خاوەن کامێرایەکە بە ڕوونی 13 مێگاپێکسڵ کە لەسەر نۆچە دڵۆپەییەکەی جێگیر کراوە. پڕۆسێسەری Snapdragon 660 ـی لەسەر جێگیرە و خاوەن بژاردەی ڕامی 3 و 4 گێگابایتیە، هەروەها خاوەن بژاردەی بیرگەی 32 و 64 گێگابایتییە. خاوەن پاترییەکە بە توانستی 4,000 ملی ئەمپێر و لە ڕووی پشتەوەیدا هەستەوەری پەنجەمۆر بوونی هەیە.

گرنگترین تایبەتمەندییەکانی مۆبایلی Xiaomi Redmi Note 7S:

  • ڕوونما: قەبارە 6.3 ئینج – جۆری LCD – ڕوونی +Full HD – وردی نیشاندانی 2340 بە 1080 پێکسڵ – چێوەی 19:9 – شووشەی جۆری Gorilla Glass 5.
  • دیزایننۆچ: هەیەتی.
  • پڕۆسێسەر: Qualcomm Snapdragon 660.
  • گرافیک: Adreno 512.
  • ڕام: 3 و 4 گێگابایت.
  • بیرگە: 32 و 64 گێگابایت (زیادکردن تاوەکو 256 گێگابایت لە ڕێگای microSD).
  • ئەستووری: 8.1 ملیمەتر.
  • کێش: 186 گرام.
  • پاتری: 4,000 ملی ئەمپێر/کاتژمێر.
  • بارگاویکردنەوە: بارگاویکردنەوەی خێرا بە توانای 18 وات (Quick Charge 4).
  • کامێرای پشتەوەسەرەکی: 48 مێگاپێکسڵ بە تیرەی f/1.8. دووەم: 5 مێگاپێکسڵ بە تیرەی f/2.2 لە جۆری هەستەوەری قوڵی.
  • کامێرای پێشەوە(سێڵفی): 13 مێگاپێکسڵ بە تیرەی f/2.0. 
  • هەستەوەری ئاسایشی: هەستەوەری پەنجەمۆر لە پشتەوە.
  • دەرچە: USB-C – بیستۆک.
  • ڕایەڵە: Wi-Fi 802.11 a/b/g/n/ac – dual-band – Wi-Fi Direct – Hotspot – Bluetooth 5.0 – GPS – Radio.
  • سیمکارت: دوانە سیمکارت.
  • دەنگ: –
  • ڕەنگ: ڕەش – شین – سوور.
  • سیستەمی کارپێکەر: MIUI 10 (بنچینەکراو لەسەر Android 9.0 Pie).

نرخی مۆبایلی Redmi Note 7S لە نزیکەی 158$ ـەوە دەست پێدەکات و لە ڕێکەوتی 23 ـی ئەم مانگەدا لە بازاڕەکانی هیندستان بەردەست دەکرێت.

سەرچاوە :
21 ئایار، 2019
ئاڤاتار
خوێندکاری پەیمانگای کۆمپیوتەرم، شارەزایی تەواوم هەیە لە هەریەک لە سیستەمە کارپێکەرەکانی iOS و macOS و Windows. ڕۆژانە و بە بەردەوامی ئاگاداری دواین هەواڵ و گۆڕانکارییەکانی تایبەت بە تەکنەلۆژیام. ئێستا، لە کەی ئای تی ئێن سەرقاڵی نووسینی بابەتی پەیوەندیدار بە تەکنەلۆژیاوەم. دەتوانیت کرتە لە وێنۆچکەی تۆڕە کۆمەڵایەتییەکان بکەیت ئەگەر خوازیاریت پەیوەندیم پێوە بکەیت یاخود ئاگات لە دواین چالاکییەکانم ببێت.
704