ئای ئۆ ئێس
25, حوزهیران 2019
چۆنیەتی دامەزراندنی وەشانە تاقیکارییە گشتییەکانی iOS 13 و iPadOS 13
دوێنێ (24 ـی 6) ئەپڵ یەکەمین وەشانی تاقیکاری گشتی لە سیستەمەکانی iOS 13 و iPadOS 13 و macOS Catalina بەردەستکرد. بەو مانایەی، ئێستا تۆ وەکو کەسێکی ئاسایی دەتوانیت وەشانەکان لە پێش بەردەستکردنیان بە شێوەی گشتی و چاوەڕوان نەبوون تاوەکو مانگی 9 دابمەزرێنیتە سەر ئامێرەکەت.
ئەم بابەتە یارمەتیدەرە بۆ دامەزراندنی وەشانە تاقیکارییە گشتییەکانی iOS 13 و iPadOS 13 بۆ ئایفۆن و ئایپادەکەت. بەردەوامبە لە خوێندنەوە.
چۆنیەتی داگرتنی وەشانە تاقیکارییە گشتییەکانی iOS 13 و iPadOS 13:
- کردنەوەی ئەم بەستەرە لە وێبگەڕی سەفاری (https://beta.apple.com/sp)
- کرتە کردن لە دوگمەی Sign in و داخڵکردنی ئیمەیڵ و تێپەڕەوشەی هەژماری ئەپڵ ئایدییەکەت
- کرتە کردن لە دوگمەی Enroll Your Devices لە بەشی سەرەوە و دەستە ڕاستی وێبسایتەکە، لە پاشان کرتە iOS بکە
- لە پاشان بڕۆوە خوارەوەی پەڕەکە و تاوەکو دوگمەی شینی Download Profile دەبینیت، کرتەی لەسەر بکە و لە پاشان کرتە لە Allow بکە
- لە پاشان، بڕۆ بۆ ئەپی Settings و بەم شێوەیە هەژمارە تاقیکارییەکە دابمەزرێنە: کردنەوەی بەشی General، کردنەوەی بەشی Profile، کرتە کردن لەسەر هەژماری iOS 13 & iPadOS 13 Beta Software و لە پاشان کرتە کردن لە Install
- لە پاش دامەزراندنی هەژمارەکەوە، پەنجەرەیەک دێتە سەر ڕوونماکەت و داوات لێ دەکات مۆبایلەکەت بکوژێنێتەوە و هەڵی بکاتەوە، کرتە بکە لە Restart
- لە پاشان بڕۆرەوە بۆ ئەپی Settings، بەشی General، بەشی Software Update و کرتە لە Download Now بکە
بەم شێوەیە، وەشانە تاقیکارییە گشتییەکان لەسەر ئامێرەکەت دادەمەزرێت و لەگەڵ بەردەستکردنی هەر وەشانێکی نوێی تاقیکاری گشتیدا گشتیدا، بە دەستت دەکات و دەتوانیت دایبمەزرێنیت.
تێبینی:
- زۆرینەی جار وەشانە تاقیکارییەکان خاوەن کێشەی جۆراوجۆر، خاوبوونەوە، لاوازی تەندرووستی پاترین و کێشەی زیاترن. هەر بۆیە، بە داگرتنیان دەبێت ڕەزامەند بیت بە گرتنە ئەستۆی هەر کێشەیەک
- ئەپڵ پێشنیارت بۆ دەکات کە لە پێش دامەزراندنی وەشانە تاقیکارییەکان، کرداری پاشەکەوتکردن (Backup) لە ئەپی iTunes ـی کۆمپیوتەر ئەنجام بدەیت؛ داوا لێ کراو نییە – تەنها پێشنیارکراوە
تێبینی بۆ نوێکردنەوەی وەشان:
- پێویستە وزەی پاتری ئامێرەکەت لە %50 زیاتر بێت.
- پێویستت بە ئینتەرنێتی وایفای هەیە بۆ نوێکردنەوەی وەشان.
لیستی ئەو ئامێرانەی کە پشتگیری لە وەشانەکانی iOS 13 و iPadOS 13 دەکەن:
ماکوان بەرزان
نووسەری پێشکەوتوو لە Kitn لە ٢٠١٨ ـەوە.
ئەندازیاری iOS لە Gateway.
خوێندکاری ئەندازیاریی ئایتی لە زانکۆی پۆلیتەکنیکی سلێمانی.