ئەپڵ چوارەمین وەشانی تاقیکاری iOS 13 ـی بۆ گەشەپێدەران بەردەستکرد، گۆڕانکارییەکان چین؟

چەند خولەکێک لەمەوبەر، ئەپڵ چوارەمین وەشانی تاقیکاری هەریەکە لە سیستەمەکانی iOS 13 و iPadOS 13 و tvOS 13 و watchOS 6 ـی تایبەت بە گەشەپێدەران بە چەندین چاکسازی و گۆڕانکاری نوێوە بەردەستکرد.

دەربارەی چوارەمین وەشانی تاقیکاری iOS 13 تایبەت بە گەشەپێدەران، قەبارەی وەشانە تاقیکارییە نوێیەکە 699 مێگابایتە بۆ iPhone XS Max و قەبارەی بۆ ئامێرە کۆنەکان کەمترە. وەکو وەشانە تاقیکارییەکانی دیکە، ئەپڵ لەم وەشانە تاقیکارییە نوێیەدا چەندین چاکسازی و گۆڕانکاری ئەنجامداون و چەند کێشەیەکیش چارەسەر کراون.

گرنگترین ئەو گۆڕانکارییانەی کە تاوەکو ئێستا لە چوارەمین وەشانی تاقیکاری iOS 13 ـدا بەدی کراون:

• بچوککردنەوەی ئەپەکان لە لیستی ئەپەکانی هۆم سکرین.
• زیادکردنی بژاردەی نوێی Rearrange Apps بۆ لیستی 3D Touch تایبەت بە ڕێکخستنەوەی ڕیزبوونی ئەپەکان.
  

  Smaller menus on iPadOS beta 4. And there’s this new option for rearrange apps. pic.twitter.com/mW9tOSpgN7

  — Filipe Espósito (@filipekids) July 17, 2019

• دووبارە دیزاینکردنەوەی وێنۆچکەی نامەی دەنگی (Voice message) لە ئەپی Messages.
• چارەسەرکردنی ئەو کەلێنەی کە ڕێگەی دەدا داخڵی تێپەڕەوشەکان ببیت لە ئەپی Settings.
• باشترکردنی ئەزموونی 3D Touch.
• زیادکردنی نووسراوێکی نوێ لەسەر وێنەکان لە ئەپی Photos تاوەکو نیشانی بدات چەند وێنەی هاوشێوە بوونیان هەیە.
• گۆڕانکاری لە ڕەنگی دوگمەکانی شریتی هاوبەشیپێکردن (Share) و سپی کردنی دوگمەکان و ڕۆشنکردنی پاشبەند.
• زیادکردنی جوڵەیەکی نوێ لە کاتی هاوبەشیپێکردنی وێنەکاندا.
• لە کاتی بینینی گۆڕانکاری دیکەدا، بۆ ئەم لیستە زیاد دەکرێت…

هەروەها خوێنەربە:

• چۆنیەتی دامەزراندنی وەشانە تاقیکارییە گشتییەکانی iOS 13 و iPadOS 13
• چۆنیەتی دامەزراندنی وەشانە تاقیکارییە گشتییەکانی macOS Catalina

ماکوان بەرزان

خوێندکاری پەیمانگەی کۆمپیوتەرم، لە پاڵ ئەوەشدا پڕۆگرامەرم و لێرەش بەڕێوەبەری نووسین و نووسەرم تاوەکو دواین هەواڵ و زانیاری و وردەکارییەکانی پەیوەندیدار بە تەکنەلۆژیا بخەمە بەردەستی خوێنەر.