10
ئەندرۆید 17, ئاب 2015

ناوى تەواو و ژمارەى وەشانى Android M ڕاگەیەنرا!

ئەمڕۆ گوگڵ ناوى تەواوى وەشانى ئەندرۆید ئێم-ى ئاشکراکرد و ناوى نا (Marshmallow – ماڕش ماڵۆو)! ئەندرۆیدیش لە هەژمارى فەرمى تویتەر ناوەکەى بەفەرمى ڕاگەیاند لەگەڵ ڤیدیۆى کردارى درووستکردنى پەیکەرى ئەندرۆید ماڕش ماڵۆو، ئەمە لە کاتێکدایە کە زۆربەى پێشبینیەکان لەگەڵ ناوى M&M بوون بۆ ئەم وەشانە!

لە هەمان کاتدا گوگڵ دواین وەشانى تاقیکارى Android Marshmallow-ى تایبەت بە گەشەپێدەران ڕاگەیاند و ژمارەى وەشانەکەى بریتیە لە ٦،٠، چاوەڕوان دەکرێت دواین وەشانى فەرمیش لەگەڵ مۆبایلە نوێکانى Nexus لە مانگى تشرینى یەکەم/١٠-ى ئەمساڵ بڵاوبکرێتەوە.

کردارى درووستکردنى پەیکەرى ئەندرۆید ماڕش ماڵۆو:

[youtube]https://www.youtube.com/watch?v=eVKuAmEVrhc[/youtube]

کۆمپانیاى گوگڵ-ى ئەمریکى لە سەرەتاوە ناوى وەشانەکانى سیستەمى وەگەڕخەرى ئەندرۆیدى بەشێوەى پیت لە دواى پیتى ئەلف و باى ئینگلیزى ناوناوە و ڕیزکردووە تاوەکو ئێستا!

ناوى گشت وەشانەکانى سیستەمى وەگەڕخەرى ئەندرۆید:

– Cupcake
– Donut
– Eclair
– Froyo
– Gingerbread
– Honeycomb
– Ice Cream Sandwich
– Jelly Bean
– KitKat
– Lollipop
– Marshmallow

ماڕش ماڵۆو ناوی شیرنەمەنیەکە کە لە شەکر و هێلکە دروست دەکرێت و ڕەنگی بەزۆری سپی یان پەمەییە.

 

ژێدەر: TechCrunch+Ardroid

بۆچونی تۆ