زنجیرەکانی ٤ و ٥ و ٦ــی یاری Resident Evil بۆ Xbox One  و PS4 به‌م نزیكانه‌ بڵاو ده‌كرێته‌وه‌ 

کۆمپانیای Capcom ڕایگەیاند کە زنجیرەکانی ٤ و ٥ و ٦ ــی یاری Resident Evil بۆ PlayStation 4  و Xbox One  دێت ، لە ٢٥ ــی مانگی شوبات کۆمپانیاکە ڕایگەیاند کە سێ زنجیرە لە یارییەکانی Resident Evil بۆ ئەم دوو کونسوڵە دێن و سەرەتاش بە یاری Resident Evil 6  دەست پێدەکات لە مانگی ئاداردا، هەروەها نرخی هەر یارییەکییان ٢٠$ دۆلاری ئەمریکییە .

هەروەها کۆمپانییەکە ڕایگەیاند کە بەشی ٦ــی یارییەکە لەگەڵ هەموو زیادکراوە و تایبەتمەندییەکانیدا دێت و هاوشێوەی بەشەکانی دیکەی، هەروەها بەشی ٥ــی یارییەکە بڕیارە لە وەرزی هاوین و بەشی ٤ـی یارییەکەش لە زستانی ئەمساڵدا دەربچن .بەڵام كۆمپانیای Capcom هیچ شتێکی دەربارەی بەشێکی نوێی یارییەکە بە گرافیک و شێوازی نوێ نەوتووه‌ ، و هیچ هەواڵێک نییە لەبارەی بەشێکی نوێ لە زنجیرەکانی یاری Resident Evil .

ساڵی ٢٠١٦ـە بیستەم ساڵە لە دەرچوونی زینجیرەی یەکەمی یارییەکە ، کە یەکەم زنجیرەی لە وڵاتی یابان و لە ساڵی 1996 دەرچوو .

سانان حسێن