بێگومان دەوڵەمەندکردنی زمانی کوردی لەڕووی ئەلیکترۆنییەوە ئەرکی سەرشانی هەمووانە. جا ئەم پڕۆسەیە لەڕێگەی بڵاوکردنەوەی بابەت و کتێب و فەرهەنگی نوسراوەوە بێت یان لەڕێگەی بەرنامەکانی کۆمپیوتەر و مۆبایل بێت. گومان لەوەدا نییە ئەو سەردەمەی ئێمە پێیدا گوزەردەکەین سەردەمی خێراتێپەڕاندنی کارەکانە و پێویستە بەچەند هەنگاوێکی کەم زانیاری دیارکراو دەست بخەیت. بۆ ئەم مەبەستە فەرهەنگە ئەلیکترۆنییەکان دەورێکی باڵایان لە خێراتێپەڕاندنی کارەکانمان بینیوە بەوەی بەخێراترین ڕێگا دەتوانیت مانا و واتای وشەکان دەست بخەیت.
فەرهەنگی زەوی ناسی (ئینگلیزی بۆ کوردی) یەکێکە لەو فەرهەنگە ئەلیکترۆنیانە کە کوردزمانان لە بوارەکەی خۆیدا سودی لێدەبینن و دەتوانن هەرچی زاراوەی بواری زەوی ناسی و بابەتە پەیوەندیدارەکانیشی بزانن. ئێمە وەکو خۆمان دەستخۆشی لەهەردوو بەڕێزان فێرخوازانی زانکۆ (ئازم ساڵح) و (ئیبراهیم شێروانی) دەکەین کە ئەرکیان کێشاوە بە دروستکردنی فەرهەنگەکە و بڵاوکردنەوەی بەبێ بەرامبەر بۆ سوودی گشتی. هیوادارین نمونەی بەڕێزان زیادبن و گشتمان بەیکەوە خەرمانی ئەلیکترۆنیمان بخەینە سەریەک و باشتر و باشتری بکەین.
ئێوە بەڕێز دەتوانن لەم بەستەرەی خوارەوە بە کلیک کردن لە وێنەکە فەرهەنگەکە دابگرن و پاشان لەسەر کۆمپیوتەرەکانتان دایبەزێنن:
