بابەتی گرینگ 9, حوزه‌یران 2016

باشترین ٣ لاپتۆپ لە ڕووی تەمەنی باترییەوە

 

laptop-power-136403774704603901-160203155813

بێگومان زۆرێک لە ئێمە لە ژیانی ڕۆژانەمان لە زۆربەی کارەکانمان پشت بە بەکارهێنانی لاپتۆپ دەبەستین بۆ ڕاپەراندنی کارەکانمان، وە زۆرجاریش گەورەترین کێشەی بەکارهێنەران زوو دابەزێنی باتری لاپتۆپەکانە کە ئەوەش بەکارهێنەر بێزار دەکات و وای لێ دەکات لە ڕاپەڕاندنی کارەکانی دواکەوێت، لەم بابەتەدا ئێمە باسی سێ لە باشترین لاپتۆپەکان دەکەین کە درێژترین تەمەنی باترییان هەیە لە کاتی بەکارهێنانن کە ئەمانەن:

١. لە پلەی یەکەم لاپتۆپی کۆمپانیای لیۆنۆڤۆ دێت لە جۆری ThinkPad X260 کە باترییەکەی توانای هەیە تا نزیکەی ١٧ کاتژمێری بەردەوامی بەکارهێنان بەرگە بگرێت، کە ئەمەش دەکاتە گەشتێک لە نێوان ریاز و نیۆرک لەو ماوەی گەشتەدا دەتوانی بەکاری بهێنیت.lenovo-thinkpad-x260-nw-g01

٢. لە پلەی دووەم لاپتۆپی کۆمپانیای ئەیسر دێت لە جۆری Acer Aspire One Cloudbook بە قەبارەی ڕوونمای ١٤ ئینچ، کە تەمەنی باترییەکەی لە نێوان ١٤ بۆ ١٥ کاتژمێرە، لەگەڵ ئەوەی نرخی ئەم لاپتۆپە زۆر هەرزانە و نرخەکەی ٢١٩$ـی ئەمریکییە.

Aspire-One-Cloudbook-AO1-131_right-facing_Win10

٣. لە پلەی سێیەم لاپتۆپی کۆمپانیای ئەپڵ دێت لە جۆری Macbook Air بە قەبارەی ڕوونمای ١٣ ئینچ، ئەم لاپتۆپە خاوەنی باترییەکەی بەهێزە کە تا ١٤ کاتژمێر بەرگە دەگرێت.

macbook-air-gallery5-2014

وە جگە لەم لاپتۆپانە چەند هەڵبژاردەیەکی تریشمان هەیە وەک لاپتۆپی جۆری Chromebook 13ـی کۆمپانیای گوگڵ، و لاپتۆپی جۆری  ThinkPad T460ـی کۆمپانیای لینۆڤۆ و  لاپتۆپی جۆری  Surface Bookـی کۆمپانیای مایکڕۆسۆفت، کە هەر یەک لەم لاپتۆپانە باتریەکەیان بەرگەی ١٣ کاتژمێری بەکارهێنان دەگرێت.

بۆچونی تۆ