مۆبایلی Xperia XA ULTRA گەشتە کوردستان

مۆبایلی Xperi XA Ultra ئێستا لەکورستان دەست دەکەوێت؟و گەشتە هەولێر، ئەم مۆبایلە دوای دوومانگ لە ڕاگەیاندنی کە لە مانگی پێنجدا ڕاگەیاندرابوو، دواجار گەیشتە هەولێر و بەنرخی ۳٤٥ دۆلار لە لای بریکاری فەرمی سۆنی لە کوردستان دەست دەکەوێت، ئەمەش دوای بەردەست بوونی مۆبایلێکی هەمان زنجیرە لە زنجیرەکانی X بەناوی Xperia X کە نرخی فەرمی ٥۰۰$ـە، تایبەتمەندیەکانی ئەم مۆبایلە:

مۆبایلەکه خاوەنی باشترین کامێرای سێڵفیە بە تایبەتمەندی OIS بۆ یەکەمجار لە جیهان و خاوەن فلاشی LED کامێرای سێڵفیە! ڕوونی کامێرای پێشەوەی ئەم مۆبایلە ۱٦ مێگاپێکسڵە و توانای تۆمارکردنی ڤیدیۆی هەیە بە ڕوونی ۱۰٨۰ پیکسڵ! بەرامبەر بەوەش ڕوونی کامێرای دواوەی مۆبایلەکە ۲۱.٥ مێگاپێکسڵە.

سەبارەت بە لاشەی مۆبایلەکە، ئەم مۆبایلە خاوەن لاشەیەکی ڕێکە و مۆبایلەکە لە ژێر دروشمی “لاشەیەکی نایاب” ڕاگەیاندرا کە قەبارەی ڕوونماکەی ٦ ئینچەو ڕوونییەکەی ۱۰٨۰ بە ۱۹۲۰ پیسکڵ واتا Full HD ـیە، بەڵام کێشی بۆ دەست کەمێک قورس دیارە و کێشەکەی ۲۰۲ گرامە! هەروەها مۆبایلەکە بە سێ ڕەنگ هاتۆتە بنیاد کە بریتین لە: زێڕی، ڕەش و سپی

تایبەتمەندیەکانی تری بە کورتی بزانن:

بە نوێترین وەشانی ئەندڕۆید کاردەکات کە بریتییە لە مارشماڵۆو ٦.۰.۱.

بە پڕۆسێسەری MT6755 Helio P10 ی دروستکراوی کۆمپانیای میدیاتێک کاردەکات، هەروەها ڕامەکەی ۳ گێگابایتە

پاتری مۆبایلەکه لە ژێر دروشمی دوو ڕۆژ کارکردنە، بە فراوانی ۲۷۰۰ میلی ئەمپێر لە کاژێرێکدا

بیرگەی ناوەکییەکەی ۱٦ گێگابایتە و پشتگیری لە دەرچەی میمۆری دەرەکی (microSD) دەکات تا فراوانی ۲٥٦ گێگابایت، هەروەها مۆبایلەکە پشتگیری لە بەکارهێنانی دوو سیم کارد دەکات

تا ئێستاش مۆبایلەکە بە فەرمی بڵاونەبووەتەوە لە هەموو جیهان و تەنها لە چەند ناوچەیەک دەفرۆشرێت.