نێتفلێکس ئەپى پێوانەکردنى خێرایی ئینتەرنێتى بۆ ئەندرۆید و iOS وەشاند

مانگێک زیاتر لەمەوبەر کۆمپانیاى (نێتفلێکس)ى ئەمریکى خزمەتگوزارییەکى بۆ پێوانەى خێرایی هێڵى  ئینتەرنێت ڕاگەیاند بەناوى (Fast.com) کە تەنها لە وێبسایتێک پێکدەهات، ئەمڕۆ کۆمپانیاى ناوبراو ئەپێکى بۆ خزمەتگوزاى ناوبراو وەشاند بۆ هەردوو سیستەمى وەگەڕخەرى ئەندرۆید و ئاى ئۆ ئێس.

هەرچەند پێگەى (Fast.com) بێ کێشە لەسەر کۆمپیوتەر و مۆبایلە هۆشمەندەکان کاردەکات بەڵام کۆمپانیاى ناوبراو دەیەوێت لەڕێگەى وەشاندنى ئەم ئەپڵیکەیشنەوە پەرە بەو خزمەتگوزارییە بدات تاوەکو بەکاربەران بەشێوەیەکى ئاسانتر و چاکتر پێوانەى خێرایی هێڵەکەیان بکەن.

ئەپڵیکەیشنى (Fast) زۆر ئاسانە بۆ بەکارهێنان، ئەوەى لەسەر تۆ پێویستە تەنها کردنەوەى ئەپەکەیە و خۆکارانە ئەپى ناوبراو هەڵدەستێت بە پێوانەکردنى خێرایی هێڵەکەت، جێگەى سەرنجە کەوا ئەپى ناوبراو هیچ جۆرە ریکلامێکى تێدا ناکرێت و خاوەن ڕووکارێکى سادەیە.

س/ ماشەبڵ

دیاری شێرزاد

"خوێندکارى بەکالۆریۆسى زمان و ئەدەبى (ئینگلیزى)م لە ز.سەڵاحەددین، هاوکات بەڕیوەبەرى نووسین و نوسەرم لە کەى ئاى تى ئێن؛ به‌ شێوه‌یەكی گشتگیر له‌گه‌ڵ ته‌كنه‌لۆژیای تازه‌ تێكه‌ڵم، به‌ تایبه‌تیش له‌ سیسته‌مى وەگەڕخەرى مۆبایلە هۆشمەندەکان (ئەندرۆید). لەهەوڵدام بۆ ئەوەى هه‌موو تاكێكی كورد سوودمه‌ندبن له‌ ته‌كنه‌لۆژیا و شتێكی ئه‌وتۆ ده‌رباره‌ی ته‌كنه‌لۆژیا فێرببن و لەگەڵ پێشکەوتنەکانیدا بڕۆن، هاوکات هەواڵ و بابەتە گەرمەکانى ڕۆژانەى تەکنەلۆژیا بەزمانێکى پاراو و پەتى کوردى بخوێننەوە".