مۆبایلی LeEco Le Pro3 بە ڕامی ٦ گێگابایت و نرخێکی گونجاوەوە ڕاگەیاندرا!

دوای ئەوەی لە چەند مانگی ڕابردوودا دەنگۆی زۆر بڵاوبوویەوە کە کۆمپانیای LeEco ی چینی مۆبایلێکی نایاب و پێشکەوتوو ڕادەگەیەنێت کە ڕامەکەی ٨ گێگابایت دەبێت، ئەمڕۆ کۆمپانیاکە ئەو مۆبایلە نوێیەی ڕاگەیاند بە ناوی Le Pro3 و بە لەخۆگرتنی چەندەها تایبەتمەندی بەرز، بەڵام ئەوەی چاوەڕوان نەدەکرا، ڕامەکەی ٦ گێگابایتە و بەرزنەکراوەتەوە!

شاشەی ئەم مۆبایلە ٥.٥ ئینچە بە ڕوونی ١٠٨٠ پیکسڵ و لە جۆری IPS LCD، بە پێشکەوتووترین پڕۆسێسەر کاردەکات کە سناپدراگۆن ٨٢١ ـە بە خێراترین جۆری کە دەگاتە ٢.٣٥ گێگاهێرتز، هەروەها بۆ پڕۆسێسەری وردی گرافیکیش پشت بە Adreno 530 دەبەستێت.

• پوختەی تایبەتمەندییەکانی ئەم مۆبایلە:
• شاشە: ٥.٥ ئینچ بە ڕوونی ١٠٨٠ پیکسڵ و لە جۆری IPS LCD
• کێش: ١٧٥ گرام
• توانای بەکارهێنانی دوو سیم کارد
• سیستمی کارپێکەر: ئەندرۆید مارشماڵۆو (٦)
• پڕۆسێسەر: سناپدراگۆن ٨٢١
• پڕۆسێسەری وردی گرافیک: ئەدرینۆ ٥٣٠
• کامێرای پشتەوە: ١٦ مێگاپیکسڵ
• توانای تۆمارکردنی ڤیدیۆ بە ڕوونی 2K
• کامێرای پێشەوە: ٨ مێگاپیکسڵ
• دەرچەی USB Type-C
• تایبەتمەندی پەنجەمۆر (Fingerprint)
• باتری: ٤٠٧٠ میلی ئەمپێر
• بارگاوی کەرەوەی خێرا (Quick Charge 3)
• جۆرەکانی ڕام و بیرگەی ناوەکی ئەم مۆبایلە:
• ٤ گێگابایت ڕام \ ٣٢ گێگا بیرگەی ناوەکی
• ٤ گێگابایت ڕام \ ٦٤ گێگا بیرگەی ناوەکی
• ٦ گێگابایت ڕام \ ٣٢ گێگا بیرگەی ناوەکی
• ٦ گێگابایت ڕام \ ١٢٨ گێگا بیرگەی ناوەکی
• ڕەنگ: زێڕی، گوڵی زێڕی، زیوی، خۆڵەمێشی

سەبارەت بە نرخی ئەم مۆبایلە، نرخێکی زۆر گونجاوی هەیە بەرامبەر بەو تایبەتمەندییە بەرزانەی، ئەمانە نرخی مۆبایلەکەن بۆ هەر جۆرێکیان:

• ٤ گێگابایت ڕام \ ٣٢ گێگا بیرگەی ناوەکی – نرخ: ٢٧٠ دۆلار
• ٤ گێگابایت ڕام \ ٦٤ گێگا بیرگەی ناوەکی – نرخ: ٣٠٠ دۆلار
• ٦ گێگابایت ڕام \ ٣٢ گێگا بیرگەی ناوەکی – نرخ: ٣٧٥ دۆلار
• ٦ گێگابایت ڕام \ ١٢٨ گێگا بیرگەی ناوەکی – نرخ: ٤٥٠ دۆلار

داواکاری پێشوەختە بۆ کڕینی مۆبایلەکە دەستی پێکردووە، بەڵام تا ئێستا نازانرێت کەی بە فەرمی دەست دەکرێت بە فرۆشتنی ئەم مۆبایلە.

ئەنەس هاوار

هەوڵدەدەم بۆ باشترکردنی ڕەوشی تەکنەلۆژیا لەکوردستان و هۆشیارکردنەوەی خەڵکیی لەڕێگەی هەواڵ و زانیاری تەکنەلۆژیی.