ئەپی تێلەگرام بەچەندین تایبەتمەندی ناوازەوە نوێکرایەوە.

ئەپی بەناوبانگی چات و گفتوگۆی ناسراو بە تیلەگرام ئەمڕۆ نوێترین وەشانی لێ بڵاوکرایەوە. ئەم وەشانە چەند تایبەتمەندیەکی ناوازە و زۆر پێویستی بۆ زیادکراون کە ئێمەی بەکارهێنەران لەکاتی چاتکردن زۆر زۆر سودیان لێ دەبینین. ئێستا ئەم وەشانە لەهەردوو کۆگای گووگڵ پلەی بۆ ئەندرۆید و ئەپستۆر بۆ ئای ئۆ ئێس بەردەستە. تایبەتمەندییە نوێیەکان ئەمانەی خوارەوەن:

• زیادکردنی تایبەتمەندی نوسین لەسەر وێنە و ڤیدیۆکان بەدەست و هەروەها بە تەختەکلیلیش، وەکو ئەم وێنەیەی خوارەوە:

 

• لەکاتی تۆمارکردنی ڤیدیۆ دەتوانیت ڤیدیۆکانت بکەیت بە وێنەی جوڵاو واتە Gif و بینێرێت بۆ بەرامبەرەکەت. ئەمەش بەتەنها لابردنی دەنگی ڤیدیۆکە دەبێت بە پەنجە نان بە وێنۆچکەی بێ دەنگکردن، وەکو ئەم وێنەی خوارەوە.

• لەمەودوا دوایین Stickerـە بەربڵاوەکان ڕاستەوخۆ لە شوێنی ناردنی ستیکەرەکان بەردەست دەبن، وەکو ئەم وێنەی خوارەوە:

• لەمەودوا هەر لەناو تێلەگرام دەتوانیت لەناو سەدان ڕووبەند(Mask) هەڵبژێریت و ڕووبەند بخەیتە سەر دەموچاوەکان! وەکو ئەم وێنەی خوارەوە:

سەرچاوە بڵۆگی فەرمی تیڵەگرام + elandroidelibre