زانیاری تەواو لەسەر هەردوو مۆبایلی گووگڵ Pixel و Pixel XL پێش ڕاگەیاندنی فەرمی بخوێنەوە

دوای ئەوەی لە چەند ڕۆژی ڕابردوو لە هەواڵێک بڵاومانکردەوە کە گووگڵ لە ٤ـی تشرینی یەکەم کە دەکاتە سبەی کۆنگرە دەبەستێت و هەر لەهەواڵەکەشدا ئاماژەمان بۆ ئەوە کردبوو کە گووگڵ دوو مۆبایلی نوێ ڕادەگەیەنێت. ئەوەتا ئەمڕۆ پێش ڕۆژی کۆنگرە زانیارییەکان دزەیان کردوو زانیاری ورد لەسەر هەردوو مۆبایلەکەی گووگڵ کە گوایە ناویان پێکسڵ و پێکسڵ ئێکس ئێڵ دەبێت لەسەر ماڵپەڕە تەکنەلۆژییەکان بڵاوکرانەوە و بفەرموون لەخوارەوە زانیارییەکان بخوێننەوە.

تایبەتمەندییەکانی گووگڵ پێکسڵ

• کێش و دوورییەکانی: ١٤٣.٨ *٦٩.٥*٨.٦ ملم. ١٤٣ گرامە.
• ڕوونما: ٥ ئینجە و بەڕوونی Full HD لە جۆری ئەمۆلد و ٤٤١ پێکسڵی هەیە لە هەر ئینجێکدا و بە گۆرێلا گلاس ٤ ڕووپۆشکراوە.
• پڕۆسێسەر: بەخێرایی ٢.١٥ گێگاهێرتز و لەجۆری سناپدراگۆن ٨٢١ و کوادکۆرە و ٦٤ بتییە.
• ڕام: ٤ گێگابایت
• بیرگە: ٣٢ یان ١٢٨ گێگابایت
• کامێرا: پێشەوە ٨ مێگاپێکسڵ و پشتەوە ١٢.٣ مێگاپێکسڵ
• باتری: ٢٧٧٠ ملی ئەمپێر و توانای خێرابارگاوی بوونەوەی هەیە.
• تایبەتمەندی تر: پەنجەمۆر و یو ئێس بی جۆری سی و ئێن ئێف سی و …
• سیستەمی وەگەرخەر: Android 7.1

تایبەتمەندییەکانی گووگڵ پێکسڵ ئێکس ئێڵ

• کێش و دوورییەکانی: ١٥٤.٧ *٧٥.٧*٨.٦ ملم. ١٦٨ گرامە.
• ڕوونما: ٥.٥ ئینجە و بەڕوونی QuadHD لە جۆری ئەمۆلد و ٥٣٤ پێکسڵی هەیە لە هەر ئینجێکدا و بە گۆرێلا گلاس ٤ ڕووپۆشکراوە.
• پڕۆسێسەر: بەخێرایی ٢.١٥ گێگاهێرتز و لەجۆری سناپدراگۆن ٨٢١ و کوادکۆرە و ٦٤ بتییە.
• ڕام: ٤ گێگابایت
• بیرگە: ٣٢ یان ١٢٨ گێگابایت
• کامێرا: پێشەوە ٨ مێگاپێکسڵ و پشتەوە ١٢.٣ مێگاپێکسڵ
• باتری: ٣٤٥٠ ملی ئەمپێر و توانای خێرابارگاوی بوونەوەی هەیە.
• تایبەتمەندی تر: پەنجەمۆر و یو ئێس بی جۆری سی و ئێن ئێف سی و …
• سیستەمی وەگەرخەر: Android 7.1

ئەمانەی خوارەوەش چەند وێنەیەکی دزەپێکراوی دوو مۆبایلەکەن پێش بەفەرمی بوون:

سەرچاوە: ئەندرۆید ئۆسۆرتی

سەردار عبدالله

مامۆستای زانکۆ و هەڵگری ماستەر لە فێرکردنی زمانی ئینگلیزی و تەکنەلۆژیا. ساڵانێکە هەواڵ و زانیاری بە زمانی کوردی دەنوسم و ئێستاش لێرە هەم نوسەر و هەمیش بەڕێوەبەری گشتیم بۆ ماوەی زیاتر لە 8 ساڵە. هەروەک گرافیک دیزاینەریش خەونی منە! کرتە لە وێنۆچکەی تۆڕە کۆمەڵایەتییەکانم بکەن بۆ ئەوەی زیاتر بمناسن!