گەرمترین 24, شوبات 2017

ئێڵجی پێش کۆنگرەی جیهانی مۆبایل مۆبایلی ئێکس پاوەر۲ی بە پاتریەکی ناوازە ڕاگەیاند.

ئێڵجی وادیارە بڕیاری دابوو کە بازێک بدات و پێش ڕووداوە گرنگەکەی کۆنگرەی جیهانی مۆبایل بەرهەمی هەبێت. ئێڵجی پێش سێ ڕۆژ لە کۆنگرەکانی داهاتوو مۆبایلی (ئێکس پاوەر۲)ی نمایشکرد، بە تایبەتمەتدی مامناوەند و پاتریەکی درێژ مەودا بە توانستی ٤٥۰۰ میلی ئەمپێر، بە تایبەتمەندی ناوازەی خێرا بارگاوی کردنەوە.

مۆبایلەکە تایبەتمەندی نزم بۆ مامناوەندە و لە جۆری Sportـە، باشترین تایبەتمەندیەکانی ئەم مۆبایلە پاتری و کامێراکەیەتی، کە کامێرایەکی ۱۳ مێگاپێکسڵی لە دواوە و ٥ مێگاپێکسڵ لە پێشەوە.

تایبەتمەندیەکانی مۆبایلەکە بە گشتی:

یەکەی چالاکی ناوەندی (سی پی یو): بە خێرایی ۱.٥ گێگاهێرتز.
ڕام: ۱.٥ – ۲ گێگابایت.
ڕوونما: بە ڕوونی ئێچدی (۷۲۰) و بە قەبارەی ٥.٥ ئینج.
بیرگە: ۱٦ گێگابایت بە توانای گرتنەخۆی بیرگەی دەرەکی.
وەشان: ئەندرۆید نووگەت.

ئەوەی گرنگترین بێت لە ئێستادا، بەرهەمی کۆمپانیاکانە لە کۆنگرەی جیهانی مۆبایلدا. ئێڵجی لەو کۆمپانیایانەیە کە بەژداری لە کۆنگرەکە دەکات و بێگوومان بەرهەمی دەبێت.. چاوێک لە بابەتەکانی ڕابردوو بکە بۆ زانینی هەموو زانیاریەکانی ئێڵجی لە کۆنگرەکەدا.

تاگەکان ئێڵجی
بۆچونی تۆ