ئەپ و نەرمەکاڵا 24, شوبات 2017

لەمەودوا دەتوانیت لە ڕێگەی بەشی گەڕانی گووگڵەوە، پەڕگەکانت له گووکڵ درایڤ بدۆزیتەوە.

له مەودوا لە سیستەمی ئەندرۆیددا بەهۆی نوێکردنەوەیەکی گووگڵ بۆ هەردوو ئەپی گووگڵ درایڤ و گەڕانی گووگڵ که ئەمڕۆ بڵاوکرایەوه، دەتوانیت لە بەشی گەڕانی گووگڵدا گەڕان بۆ پەڕگە و دۆکیۆمێنتەکان بکەیت و بیاندۆزیتەوە. هەروەکو گووگڵ ڕایگەیاندووە ئەم تایبەتمەندیە پێویستی کۆتا نوێکردنەوەی ئەپەکانە.

بۆ گەڕان پێویستە لە ئەپی گەڕانی گووگڵدا گەڕان بۆ ئەو داوا و پەڕگەیە بکەیت کە دەتەوێت، پاشان بە کرتە کردن لە بەشی In appsـدا دەتوانیت ئیمەیڵ و ئەو پەڕگەیەت ببینیت کە مەبەستتە و بە دوایدا گەڕاویت.

ئاسانکاریەکی باشە بۆ ئەو کەسانەی کە بەکارهێنەری بیرگەهەوری گووگڵ درایڤن و خاوەن ڕێژەیەکی زۆر لە پەڕگە و زانیاریەکانن لە هەژمارەکەیاندا. وەشانەکە بەردەست بکەن لە ڕێگەی داگرتنی نوێترین وەشانی گووگڵ درایڤ.

وەرگرتن لە گووگڵ پلەی ستۆر

سەرچاوە :
بۆچونی تۆ