فلاش و ماڵتیمیدیا 23, تشرینی یه‌كه‌م 2011

(وانه‌ی یه‌كه‌م) چۆنیەتی دروست كردنی دوگمە و بەیەكەوە بەستنەوەی بە فایل له‌ (SwishMax)دا

بەرنامەی سویش ماكس فرە كارە و یەكێك لەو كارانە دروستكردنی دوگمەی فلاشی جوڵاو بۆ ماڵپەڕەكانی ئینتەرنێت و سیدی ئۆتوڕەن  و بەرنامەكان بە شێوەیەكی جوڵاو و جوان . جا بۆ یە لەم وانەیەدا هەڵدەستین بە دروست كردنی دوگمەیەك و بەیەكەوەبەستنی بە فایلەكانما ن جا چ بۆ سیدی ئۆتو ڕەن بێت یان بۆ ماڵپەڕەكان بێت بۆ ئەم مەبەستە  بەرنامەی سویش ماكس دەكەینەوە و لە سەر پەڕەكە جا چ وێنەیەك بێنیت یان نوسینێك یان شەیپێك(شێوەیەك) ئەوا كلیكی راستی لەسەر بكە و پاشان كلیك لە convert بكە پاشان كلیك لە convert  to button بكە

دەبینین دەبێت بە دوگمەیەك بەشێوەیەك لە بەشی Properties لە سەر ڕووكاری بەرنامەكە دووبەش  درووست دەبێت كە
1-بریتیە لەوەی كاتێك كە ماوسەكەی دەبەینە سەر
2-بریتیە لە وەی كاتێك كە ماوسەكەی لەسەر دادەگرین
بۆ بینینی زانیاری زیاتر وێنەی 1 ببینە:
پاشان بۆ بەستنەوەی دوگمەكە
1-لە ماڵپەڕەكانی ئینتەرنێت:
بۆ ئەم مەبەستە لەبەشی outline كلیك لە دوگمەكەبكە پاشان كلیك لە بەشی scriptدەكەین دوای ئەمە كلیك لە add script دەكەین ئنجا كلیك لە browser/networkدەكەین دوای ئەمە كلیك لە get url دەكەین ئنجا لە بۆ شایی لینك كردندا ئەو لینكەی دەمانە وێت دەینوسین ، دوای لینك كردنە كە لە ڕێگەی لیستی فایل پاشان exportئنجا فۆڕماتی swfهەڵدەبژێرین و بەو فۆڕماتە دەی پارێزین دەبینین كە بێت و فایلەكە بكەینەوە كلیك لە نوسینەكە بكەین دەبینین ڕاستەوخۆ لینكەكە دەبێتەوە لە وێنەی 2 دا زانیاری زیاتر ببینن:-

2-لە سیدی ئۆتورەن
بۆ ئەم مەبەستە هەمان ئەو كارە دەكەین كە لەخاڵی 1 ئەنجام ماندا بەڵام لەجیاتی get urlكلیك لە fscommand دەكەین پاشان دوو بۆشای دەبێتەوە لە بۆشایی 1 كلیك لە سەهمە بچووكەكەی تەنیشتی دەكەین و exec هەڵدەبژێرین پاشان لە بۆشایی دووەم ناوی ئەو فایلە پڕۆگرامەی كە دەمانەوێت پێی ببەستینەوە دەنوسین بۆ نمونە ناوی (1.exe) پاشان لە هەركوێیەكی كۆمپیوتەرەكەت پێویستە فۆڵدەرێك دروست بكەیت و ناوی بنێیت Fscommand و فایلە پڕۆگرامەكەی بكەیتە ناوییەوە و پاشان لە ڕێگەی لیستی فایلی بەرنامەی سویش ماكس پاشان exportئنجا فۆڕماتی exe(projecter)هەڵدەبژێرین و فایلەكە لە تەنیشت ئەو فۆڵدەرەی ناومان نا Fscommand دەی پارێزین دەبینین كە كلیك لە نوسینەكە بكەین ڕاستەو خۆ فایلەكە دەبێتەوە بۆ زانیاری زیاتر وێنەی 3 ببینە:

ئەوە بوو چۆنیەتی دروست كردنی دوگمەو بەیەكەوە بەستنەوەی بەفایلەكانمان لە بەرنامەی سویش ماكس، تا وانه‌یه‌كی تری جیاواز له‌ سویش ماكسدا خواتان له‌گه‌ڵ،هیوام وایە سودمەند بوو بێت بۆتان.

بۆچونی تۆ