ئاشنابن بە ماڵپەڕێک کە کۆمەڵێک یاری جیاواز لەخۆ دەگرێت و بە پەیوەست کردنی مۆبایل و کۆمپیوتەر بەیەکەوە کار دەکات

ژمارەیەکی ئێجگار زۆر یاری بۆ مۆبایل و تابلێتەکانمان بەردەستن، بۆ کۆمپیوتەریش بە هەمان شێوە بەڵام ماڵپەڕێک بەناوی Airconsole داهێنانی لە بواری یارییە ڤیدیۆییە سادەکاندا کردووە و کۆمەڵێک یاری ناوازە و چێژبەخش لەخۆ دەگرێت کە بە پەیوەستکردنی مۆبایل و کۆمپیوتەر کار دەکەن بە شێوەیەک ڕونمای کۆمپیوتەرەکە بۆ نیشاندانی یارییەکە و مۆبایل بۆ کۆنتڕۆڵ کردنی یارییەکە بەکاردێت(خۆ ئەگەر لاپتۆپەکە پەیوەستی تی ڤی بکرێت کە ڕونماکەی گەورەترە ئەوا باشتر).

بەکارهێنەران دەتوانن سەردانی ماڵپەڕەکە بکەن لە وێبگەڕەکانیان لەناو کۆمپیوتەر و لەوێ کۆد وەربگرن بۆ پەیوەست کردنی کۆمپیوتەرەکە بە مۆبایلەوە، دەتوانن بۆ ئەو مەبەستەش لە مۆبایلەکانیان بە هەمان شێوە وێبگەڕ بەکاربهێنن یاخود ئەپی تایبەتی Airconsole بەکاربهێنن.

ماڵپەڕەکە کۆمەڵێک یاری زۆر لەخۆدەگرێت و بەردەوام یاری نوێی بۆ زیاد دەکرێت و بەگشتی یارییەکان گونجاون بۆ ئەوەی کۆمەڵێک کەس بەیەکەوە بیانکەن و بەو شێوەیە چێژ بەخشترن.

کرتە بکەن بۆ سەردانکردنی ماڵپەڕەکە و داگرتنی ئەپی تایبەتی Airconsole:

ماڵپەڕ

داگرتن لە گوگڵ پلەی

داگرتن لە ئەپ ستۆر

محمد شوان

خوێندکاری قۆناغی سێیەمی زانکۆم و حەزێکی زۆرم بۆ تەکنەلۆژیا هەیە، سوپاس بۆ خودا تا ڕاددەیەک زانیاری و شارەزاییم لە مۆبایلە زیرەکەکان و کۆمپیوتەردا هەیە، بە تایبەتیش لە سیستەمی وەگەڕخەری ئەندرۆید، هیوام وایە بتوانم خزمەتێکی بچووک بە هاونیشتمانیانم و بە وێبی کوردی بکەم و سوود لەم ئەزموونە وەربگرم.