کۆمەڵێک دەسەڵاتداری ئەمریکی تۆمەتبار دەکرێن بەوەی هەوڵیان داوە بەرتیل بدەنە بەڕێوەبەری جێبەجێکاری تێلەگرام

ھەموومان دەزانین کە ئەپی تێلەگرام بەیەکێک لە ئەپە زۆر پارێزراوەکان دادەنرێت لەڕووی ئاسایشی ئەلیکترۆنییەوە و ئەمەش بۆتە ھۆی ناڕازیبوونی دەزگا ئاسایشییەکانی جیھان و لەسەرووی ھەمووشیانەوە دەزگاکانی ویلایەتە یەکگرتووەکانی ئەمریکا کە ڕابردوویەکی ڕەشی ھەیە لە بەزاندنی سنووری تایبەتی بەکارھێنەرانی ئەپە جیاوازەکاندا.

بەڕێوەبەری جێبەجێکاری تێلەگرام (پاڤێڵ دورۆڤ/Pavel Durov) لەیەکێک لە بڵاوکراوەکانیدا لە تویتەر ئاماژەی بەوە کردبوو کە دەزگا ئاسایشییەکانی ئەمریکا ھەوڵی ئەوەیان داوە کە کاریگەری بخەنە سەر خۆی و گرووپەکەی بۆ ئاسانکردنی گەیشتنیان بە ئەپی تێلەگرام.

پاڤێڵ دورۆڤ لە هەژماری تایبەتی خۆی لە تویتەر وتی کە لەساڵی ڕابردوودا دوو ھەوڵی بەرتیل پێدان ھەبووە بۆ گەشەپێدەرەکانمان لەلایەن دەزگا ئەمریکییەکانەوە و وتیشی کەبەبەردەوامی کاریگەریگەرییەکی زۆری لەسەر بووە لەلایەن دەزگای ھەواڵگیری ئەمەریکی FBI.

هاوژین یونس

ناوم هاوژین یونسە، وەک نووسەر لە ماڵپەڕی کەی ئای تی ئێندا کاردەکەم و هەندێک شارەزاییم هەیە لە سیستمەکانی ئەندرۆید و ئای ئۆ ئێس و ویندۆز و ئاگاداری نوێترین هەواڵە تەکنەلۆژییەکانم، هەروەها گرنگی بە هەواڵی یاریە ڤیدۆیەکان دەدەم و حەز و ئارەزوویەکی زۆرم هەیە بۆ یاریە ڤیدیۆیەکان بە تایبەت زنجیرەی یاریەکانی Assassin's Creed، وە ئامانجیشم پێشخستنی بواری تەکنەلۆژیایە لە کۆمەڵگای کوردیدا و ناساندنی زیاتری تەکنەلۆژیایە بە هەر تاکێکی کورد.