10
جۆراوجۆر 1, كانونی یه‌كه‌م 2017

کارڵمان کینگ داهاتووی ئۆتۆمبێلەکان و بێ وێنە لە توانادا

کارڵمان کینگ ئۆتۆمبێلێکی ئیتاڵییە و بۆ یەکەمجار لە پێشانگای نێودەوڵەتی دوبەی نمایش کرا، ئەم ئۆتۆمبێلە سەر بە جۆری ئۆتۆمبێلە SUVـــیەکانە و تەنیا ١٠ دانە لەم ئۆتۆمبێلە دروستکراوە واتە Limited ــه.
پۆلێک لە باشترین و زیرەکترین ئەندازیارەکانی جیهان تێیدا بەشداربوون، خاوەنی بیرۆکەی دروستکردنەکەی کۆمەڵەی یونیک کڵەبە.

تایبەتمەندییەکانی ئەم ئۆتۆمبێلە:

  • سەبارەت بە دیزاین ئەم ئۆتۆمبێلە بە شێوەیەکی سەرەکی دیزاینێکی توڕە و گۆشەی تیژ لە شێوەی دەرەوەیدا بەدی دەکرێت.
  • کارڵمان کینگ لە شێوەی ئەڵماسێک وەرگیراوە و ڕەنگێکی ڕەشی مات کراوە.
  • ئەم ئۆتۆمبێلە لەسەر شاسی ئۆتۆمبێلی فۆرد ئێف ١٥٠ بنیات نراوە.

  • ئۆتۆمبێلەکە لە ڕووی دەرەوە لە جێی دەسکی دەرگاکان ناسەرەوەی دەستی لەسەر جێگیر کراوە.

هەرچی لە بارەی ناوەوەی ئۆتۆمبێلەکەیە شتێکی تەواو جیاواز و ناوازەیە و جیاوازییەکی زۆر زۆری هەیە لەگەڵ دەرەوەی ئۆتۆمبێلەکە کە ناوەوەی بە جۆرایەتی Luxury، کە تایبەتمەندە بە کەسە دەوڵەمەند و پلە باڵاکان بە شێوەیەک بەرزترین و نوێترین جۆری تەکنەلۆژیای تێدا بەکارهاتووە کە تەنانەت لە ئامێرە تەکنەلۆژییەکانی وەک مۆبایل و تابلێت و تەلەفزیۆن و سینەما و سیستمی دەنگی و بارگاویکەرەوە و شوێنی تایبەت بە کۆگاکردنی پارەی تێدایە.

نرخی ئۆتۆمبێلەکە ١,٨٥ ملیۆن دۆلارە و لە ئێستادا تەنیا لە وڵاتی ئیمارات ڕێگە بە ڕۆشتنی بە شەقامەکەندا پێ دراوە و لە وڵاتی سعودیە مۆڵەتی فەرمی پێ نەدراوە لەسەر شەقامەکاندا.
تەنیا ئەو زانیاریانەی سەرەوە لە ئێستادا ئاشکرا کراون و زانراون لە ماوەی داهاتودا هەر زانیاریەکی نوێمان دەست بکەوێت ڕاپۆرتی نوێی لەبارەوە دەکەین.

بفەرموون بینەری ڕیکلامی سەرەکی ئۆتۆمبێلەکەبن:

تاگەکان ئۆتۆمبێل
بۆچونی تۆ