10
ئای ئۆ ئێس 19, شوبات 2018

مێسنجەری منداڵان بۆ سیستەمی ئەندرۆید بڵاوکرایەوە + (داگرتن بۆ IOS و ئەندرۆید)

پاش ئەوەی فەیسبووک ڕایگەیاند کە دەیەوێت وەشانێکی جیاواز لە ئەپی نامەبەرەکەی خۆی مێسنجەر بڵاو بکاتەوە، لە کۆتاییەکانی مانگی پێشوودا بۆ یەکەمین جار بۆ سیستەمی IOS بڵاوکرایەوە. ئەمجارەش لە کۆتاییدا ئەپەکە بۆ سیستەمی ئەندرۆید لە کۆگای گووگڵ پلەیدا وەشێنرا. مێسنجەری منداڵان وەک لە ناوەکەیدا دیارە تایبەت بە منداڵانە و بە پێی ڕێنماییەکانی فەیسبووک بۆ تەمەنی ۱۳ ساڵ یان کەمتر گونجاوە.

سوودی ئەپی مێسنجەری منداڵان

ئەم ئەپی مێسنجەرە تایبەت بە منداڵانە، لە ڕێڕەوێکی باشدا لە لایەن منداڵانەوە بەکار دەهێنرێت چونکە تایبەت بە چینی منداڵانە و فەیسبووک هەوڵ دەدات لایەنی ئاسایش و چوارچێوەی گفتوگۆ بپارێزێت بۆ ئەوەی بە ئاسایی گفتوگۆ لەگەڵ خێزان و هاوڕێ بکرێت. بەکارهێنانی مێسنجەری منداڵان لەلایەن منداڵانەوە چۆن دەبێت؟

چۆنیەتیی کارکردنی مێسنجەری منداڵان

مێسنجەری منداڵان بە شێوەیەکی ڕاستەوخۆ بەهۆی هەژماری تایبەتی فەیسبووکی بەخێوکەرانی منداڵەکەوە کاردەکات. ئەوەی لەسەر دایک و باوکانە دامەزراندنی ئەپەکەیە لەسەر ئامێرەکانی منداڵەکانیان، پاشان ڕێکخستنی دەمنامەی منداڵە لەلایەن هەژمارەکەی خۆتەوە بە دروستی بە ئارەزووی خۆتان. بەڵام فەیسبووک ئەوەشی ڕوونکردووەتەوە، منداڵان ناتوانن دەست بە هەژماری دایک و باوکیان بگەیەنن و کاری پێبکەن، وەک ئەوەی وێنەیەک بڵاوکراوەی فەیسبووک هەیە وا دیارە کە پەیوەندییکردن بەهۆی تەنیا ناو و تاکە وێنەیەکی دەمنامەی هەژماری بەخێوکەرییانە، هیچی تر نییە.

سەرچاوە :
بۆچونی تۆ