باسی هەفتە

زانیاری لەسەر یاری Ghost of Tsushimaی نوێ

یەکێکە لەو یارییانەی جیهانەکەی کراوەیە و لە جۆری Adventure واتا گەڕان و دۆزینەوە لە نەخشەکەدا. کۆمپانیای Sucker Punch گەشەپێدەری یارییەکەیە و ساڵی پار لەلایەن کۆمپانیای سۆنییەوە بۆ پلەیستەیشن ٤ نمایشکرا و تەنیا بۆ ئەو سەکۆیەش بەردەست دەبێت. وە ئەمڕۆش یاریپێکردنێکی لە کۆنگرەی E3ی کۆمپانیای سۆنی بڵاوکرایەوە.

[su_youtube url=”https://www.youtube.com/watch?v=MUz539AeC5Y” width=”500″ height=”300″]

چیرۆکی یارییەکە دەگەڕێتەوە بۆ ساڵی ١٢٧٤، کاتێک ئیمپڕاتۆریاتی مەغۆلەکان دەستییان بەسەر دوورگەیەک لە تسوشیما گرتووە کە دەکەوێتە یابان. لێرەوە دەست پێدەکات، مەغۆلەکان کوشتار و تاڵانی زۆر دەکەن و، سامورایەکان پارێزەری تسوشیمان. کەواتە ڕۆڵگێرێ یارییەکە سامورایەکە کە تۆڵە دەسێنێت و بە ناوچەکان دەگەڕێت تا شەڕی پێچەوانە بکات، بەڵام هەموو ئەمانە بە تاکتیک دەبێت، ئەگەر نا بردنەوە ئەستەمە. دەبیتە تارمایی تسوشیما و ئازادی دەگەڕێنیتەوە.

ئەسپ و شمشێر لە ئامڕازەکانە بۆ ئەوەی ئاسانکاری بکات لە گواستنەوە و شەڕکردن. ئەمەش یاریپێکردنی یارییەکە:

[su_youtube url=”https://www.youtube.com/watch?v=FhqTNAlErQc” width=”500″ height=”300″]

گرافیکی یارییەکە سەردەمییانەیە و خاوەنی کاریگەری ناوازەیە کە بینینێکی جوان بۆ یارییەکە دەردەخات. پشتگیری لە ڕوونی 4k دەکات کە بەرزترین ڕوونی دەداتە یارییەکە.

لە مانگی ١٢ی ئەمساڵ تەنیا بۆ سەکۆی پلەیستەیشن ٤ بڵاودەکرێتەوە.

12 حوزه‌یران، 2018
ئاڤاتار
گرنگی بە نوسینەکانی کەی ئای تی ئێن دەدەم. نوسەرانی ئەم تۆڕە دەیانەوێت کوردستانیش بێبەش نەبێت لە تام و چێژی خوێندنەوە بەڵکو کەی ئای تی ئێن ماڵپەڕێکی فێرکار بێت لە ڕووی نوسین و پەرەپێدانی توانای ڕۆژنامەوانی، بۆ کەسان و پێگەی تر.
498