کۆمپانیای ئۆپۆ بە فەرمی مۆبایلی Oppo A5 ڕاگەیاند

کۆمپانیای ئۆپۆ بە فەرمی مۆبایلی Oppo A5 ـی ڕاگەیاند کە هاوشێوەی زۆرێک لە مۆبایلەکانی ساڵی ٢٠١٨ ـن لە ڕووی تایبەتمەندی و دیزاینەوە، مۆبایلە نوێیەکەی ئۆپۆ هەڵگری ڕوونمایەکی درێژە کە خاوەنی نۆتچە لە بەشی سەرەوەی لەگەڵ دوو کامێرا لە بەشی پشتەوەی سەرەڕای ئەوەش هەڵگری باتریەکە بە توانستێکی گەورە

گرنگترین تایبەتمەندیەکانی:-

• ڕوونما: لە جۆری IPS LCD و بە قەبارەی ٦.٢ ئینچ و بە کوالێتی ١٥٢٠×٧٢٠ پێکسڵ و بە دووری ١٩:٩
• ڕام: ٤ گێگابایت
• بیرگە: ٦٤ گێگابایت و دەتواندرێت لە ڕێگەی بیرگەی دەرەکیەوە microSD زیاد بکرێت
• پڕۆسێسەر: هەشت ناوکی لە جۆری Qualcomm Snapdragon 450 و بە لەرەی ١.٨ گێگاهێرتز
• کامێرای پشتەوە: دوو کامێرا سەرەکیەکەیان بە کوالێتی ١٣ مێگاپێکسڵ و بە کراوەی هاوێنەی ٢.٢/f و ئەوی دیکەشیان بە کوالێتی ٢ مێگاپێکسڵ و بە کراوەی هاوێنەی ٢.٤/f
• کامێرای پێشەوە: ٨ مێگاپێکسڵ
• ئەستوری: ٨.٢ میللی مەتر
• توانستی باتری: ٤٢٣٠ میللی ئەمپێر

سەبارەت بە کاتی بەردەست بوونی مۆبایلەکە ئەوا لە ئێستاوە بەردەستە بۆ داواکردنی پێشوەختە و لە بەرواری ١٣/٧/٢٠١٨ ـەوە بەردەست دەبێت بۆ فرۆشتن بە نرخی ٢٢٥ دۆلار.

هاوژین یونس

ناوم هاوژین یونسە، وەک نووسەر لە ماڵپەڕی کەی ئای تی ئێندا کاردەکەم و هەندێک شارەزاییم هەیە لە سیستمەکانی ئەندرۆید و ئای ئۆ ئێس و ویندۆز و ئاگاداری نوێترین هەواڵە تەکنەلۆژییەکانم، هەروەها گرنگی بە هەواڵی یاریە ڤیدۆیەکان دەدەم و حەز و ئارەزوویەکی زۆرم هەیە بۆ یاریە ڤیدیۆیەکان بە تایبەت زنجیرەی یاریەکانی Assassin's Creed، وە ئامانجیشم پێشخستنی بواری تەکنەلۆژیایە لە کۆمەڵگای کوردیدا و ناساندنی زیاتری تەکنەلۆژیایە بە هەر تاکێکی کورد.