هەواڵ 2, ئاب 2018

فەڕەنسا بەکارهێنانی مۆبایلە هۆشمەندەکان لە قوتابخانە قەدەغەدەکات

بۆ وەرزی خوێندنی ئەمساڵ، حکوومەتی فەڕەنسا بەکارهێنانی مۆبایلە هۆشمەندەکان لەقوتابخانەکان قەدەغەکرد. ئەم یاسایەی حکوومەتی فەڕەنسا بۆ قوتابیانی خوار ١٥ ساڵانە.

ڕۆژی ٣٠ی تەممووز، ناوەندی دادوەری لە حکوومەتی فەڕەنسا بڕیارەکەیاندا کە دەبێت قوتابییەکان مۆبایلەکانیان لەماڵەوە جێبهێڵن یاخوود لەقوتابخانە بیکووژێننەوە. یاساکە تەنیا مۆبایلە هۆشمەندەکان ناگرێتەوە بەڵکوو تاتەبژمێر (تابلێت) و کۆمپیوتەری لاپتۆپیش دەگریتەوە یان هەرئامێرێک کە پەیوەندیبگرێت بەتۆڕی ئینتەرنێت. لەگەڵ ئەوەشدا خوێندنگا ئامادەییەکانی فەڕەنسا سەربەستن لەوەی کار بەو یاسایە بکەن یان نا. یاساکە دەقی ئەوەشی تێدایە کە جێبەجێنەکرێت لەو خوێندنگایانەی کە تایبەتن بۆ خاوەن پێداویستییە تایبەتییەکان یاخوود تەکنەلۆژیا بۆ مەبەستی فێرکردن بەکاردەهێنن.

ئێمانوێل ماکرۆن سەرۆککۆماری فەڕەنسا، لەڕێگای توویتەرەکەیەوە دەرچوونی یاساکەی ڕاگەیاند.

L’interdiction générale des téléphones portables dans les écoles et les collèges a été définitivement adoptée par l’Assemblée nationale aujourd’hui.
Engagement tenu ✅

— Emmanuel Macron (@EmmanuelMacron) July 30, 2018

سەرچاوە: The Verge