ڕێکەوتی ڕاگەیاندن و بەردەستبوون بۆ کڕین و تایبەتمەندیەکانی 9 Galaxy Note

بە گوێرەی ڕاگەیاندراوی کۆمپانیای سامسۆنگی کۆری، لە ڕێکەوتی ٩\٨\٢٠١٨  نوێترین مۆبایلی خۆی لە شاری نیۆڕک لە ویلایەتە یەگرتووەکانی ئەمریکا نمایش دەکات. وەک هەمیشە، مۆبایلەکانی سامسۆنگ هەڵگری زۆرترین پێشبینی و هەواڵن پێش ڕاگەیاندنی فەرمیان.

هەروەک ئاشکرایە، پێش بڵاوبوونەوەی هەر بەرهەمێک چەندین وێنەی دزەپێکراو و هەواڵ بڵاودەبنەوە. بەم بۆنەیەوە چەند رۆژێک پێش ئێستا سامسۆنگ چەند وێنەیەکی بەهەڵە بڵاوکردوە و پاش چەند خولەکێک وێنەکەیان سڕیەوە، دواتر له‌لایه‌ن کەسێکەوە ڕاسته‌وخۆ وێنه‌که‌ هه‌ڵگیراوه‌ و بڵاوکراوه‌ته‌وه‌.

لە خوارەوە وێنە دزەپێکراوەکە هەیە کە گالەکسی نۆوت ٩ ده‌رده‌که‌وێت و له‌سه‌ری نوسراوە‌ “نۆوتە زۆر بەهێزە نوێکە”.

سەرباری ئەمەش، ڤیدیۆیی ڕیکلامی گالەکسی نۆوت ٩ دزەی پێکرا و بەخێرایی بەناو یوتیوبدا تەشەنەی کرد. بفەرموون لەخوارەوە بینەربن.

[su_youtube url=”https://youtu.be/LIlwTwohX7c” width=”500″ height=”300″]

گرنگترین تایبەتمەندیەکانی ئەم مۆبایلە نوێیە

•  ڕوونما: بەقەبارەی ٦.٤ ئینج و جۆری Super AMOLED
• ڕام:٤ بۆ ۸ گێگابایت
• پرۆسێسەر: سناپدراگۆن ۸٤٥ یان ئیگزینۆس ٩٨١٠
• کامێرا: ۱۲ مێگاپێکسڵ
• کامێرای پێشەوە: ۱۲ مێگاپێکسڵ
• توانستی پاتری: ٤٠٠٠ میلی ئەمپێر\کاتژمێر
• سیستەمی وەگەرخەر: ئەندرۆید ئۆریۆ 8.0
• بیرگەی ناوەکی: ۱۲۸ گێگابایت

بەگوێرەی سەرچاوەکان، نۆوت ٩ بە هەفتەیەک یان دوو هەفتە لەدوای نمایشکردنی لە بازاڕەکان بەردەست دەبێت بۆ فرۆشتن.