سامسۆنگ 23, ئه‌یلول 2018

مۆبایلی Galaxy A9 Pro 2018 دەردەکەوێت بە 4 کامێراوە

کۆمپانیای سامسۆنگ لە ماوەی ڕابردوودا هەستا بە ڕاگەیاندنی مۆبایلی Galaxy A7 2018 بە سێ کامێراوە و دەتوانیت لێرەوە زانیاری زیاتری لە بارەوە بخوێنیتەوە (سامسۆنگ مۆبایلی Galaxy A7ـی بە سێ کامێراوە ڕاگەیاند)، ئێستاش کۆمپانیای ناوبراو دەیەوێت یەکەم مۆبایلی خۆی ڕابگەیەنێت کە خاوەنی چوار کامێرایە لە بەشی پشتەوەی لە بەرواری 11/10/2018، دەربارەی مۆبایلەکە ژمارەیەک هەواڵی زۆری لە بارەوە بڵاوکراوەتەوە ئەمڕۆش چەند هەواڵێکی دزەپێکراو لە بارەی ئەرکی چوار کامێراکە بڵاوکرایەوە و دەوترێت هەڵگری کامێرایەکی سەرەکی دەبێت بە ڕوونی 24 مێگاپێکسڵ لەگەڵ کامێرایەکی دیکە بە ڕوونی 8 مێگاپێکسڵ و بە مەودای بینین هەتاوەکو 120 پلە لەگەڵ دوو کامێرای دیکە بە ڕوونی 10+5 مێگاپێکسڵ، مۆبایلەکە وا دیارە هەمان دیزاینی مۆبایلی A7 2018ـی دەبێت هەرچەندە بە تەواوی ئەم زانیاریانە پشت ڕاست نەکراوەتەوە.

گرنگترین تایبەتمەندیە دزەپێکراوەکانی:-

  • ڕوونما: لە جۆری AMOLED و بە ڕوونی +FHD
  • پڕۆسێسەر: Snapdragon 660
  • ڕام: 4 یان 6 گێگابایت
  • بیرگە: 64 یان 128 گێگابایت
  • توانستی پاتری: 3720 میللی ئەمپێر
  • سیستمی وەگەڕخەر: ئەندرۆید ئۆریۆ 8.1
  • پاراستن: هەستەوەری پەنجەمۆر لە بەشی پشتەوە

 

تاگەکان Galaxy A9 Pro 2018
بۆچونی تۆ