ئەپڵ 25, ئه‌یلول 2018

کواڵکۆم ئەپڵ تۆمەتبار دەکات بە دزینی نهێنییەکانی و دانیان بە ئینتێڵ!

لای هەمووان ئاشکرایە کە ئەپڵ و کواڵکۆم چیتر “هاوڕێ” نین و لە ماوەی ڕابردوودا چەندین کێشە و داوای یاسایی کەوتە نیوانیانەوە و کواڵکۆمی هاونیشتیمانیی ئەپڵ کە ناسراوە بە دروستکردنی پڕۆسێسەرەکانی سناپدراگۆن چیتر لە لایەن ئەپڵەوە بۆ دابینکردنی Modem Chipەکانی ناو ئایفۆن پشتی پێ نابەسترێت.

لە پێشوودا ئەپڵ تەنها پشتی بە کواڵکۆم دەبەست بۆ دابینکردنی ئەو پارچەیە لە مۆبایلەکانی(کە بەرپرسە لە کارکردنی وای فای و خێراییەکەی) بەڵام دواتر دەستی کرد بە کارکردن لەگەڵ ئینتێڵیشدا و لە ئێستاشدا تەنها مامەڵە لەگەڵ ئینتێڵ دەکات بۆ ئەو پارچانە.

پێشتر بەپێی ڕێکەوتنی نێوانیان کواڵکۆم ڕێگەیداوە ئەپڵ کۆمەڵێک زانیاری تایبەت بزانێت تاوەکوو بە باشترین شێوە پێکەوە کاربکەن و چیپەکان باشترین ئاست لەناو ئایفۆنەکاندا پێشکەش بکەن، بەڵام بە وتەی کواڵکۆم ئەپڵ ئەم زانیارییە تایبەتانەی داوە بە ئینتێڵ تاوەکوو بتوانن چیپی هاوئاستی کواڵکۆم دروست بکەن!

بە وتەی کواڵکۆم ئەپڵ زانیارییەکانی داوەتە ئینتێڵ و ئەوانیش چیپەکانی خۆیانیان پێ باشتر کردووە و ئێستاش ئەپڵ پشتی کردووەتە کوالکۆم و پارچەکانی ئینتێڵ بەکاردەهێنێت!

سەرچاوە :
بۆچونی تۆ