10
هەواڵ 4, تشرینی یه‌كه‌م 2018

بە فەرمی ئێڵ جی مۆبایلی LG V40 ThinQـی بە 5 کامێراوە ڕاگەیاند

کۆمپانیای ئێڵ جی لە ماوەی ڕابردوودا مۆبایلی LG V40 ThinQـی ڕاگەیاند و بە شێوەیەکی زیاتر گرنگی داوە بە باشترکردنی کامێرا بە شێوەیەک مۆبایلەکە خاوەنی پێنج کامێرایە سێیان لە پشتەوە و دووانیش لە پێشەوە، لەگەڵ ئەوەشدا مۆبایلەکە خاوەنی ڕوونمایەکە لە جۆری OLED و خاوەنی باری ڕووناکی بەرزە Super Bright کۆمپانیای ناوبراویش دەڵێت کە ڕووناکی مۆبایلەکە بەرزترە لە ڕووناکی بەردەستکراو لە هەردوو مۆبایلی گالەکسی نۆوت 9 و ئایفۆن ئێکس ئێس ماکس.

کامێرای مۆبایلەکە خاوەنی کۆمەڵێک تایبەتمەندی ناوازەیە لەوانەش بوونی تایبەتمەندی Triple Previewـە کە ڕێگەت پێدەدات پێکهاتەی زیندوو لە هەر سێ کامێراکەوە تۆمار بکەیت لەگەڵ ئەوەشدا خاوەنی تایبەتمەندیەکی دیکەیە بە ناوی Triple Shot لە ڕێگەیەوە دەتوانیت بە یەک جار و بە تەنها کرتەیەک وێنە لە هەر سێ کامێراکەوە بچرکێنیت.

گرنگترین تایبەتمەندیەکانی:-

  • ڕوونما: لە جۆری  P-OLED و بە قەبارەی 6.4 ئینج و بە ڕوونی 3120×1440 پێکسڵ و داپۆشراوە بە چینێک لە شوشەی پارێزەری Gorilla Glass 5
  • پڕۆسێسەر: Snapdragon 845
  • کامێرای پشتەوە: سێ کامێرا بە ڕوونی 12+16+12 مێگاپێکسڵ
  • کامێرای پێشەوە: دوو کامێرا بە ڕوونی 8+5 مێگاپێکسڵ
  • ڕام: 6 گێگابایت
  • بیرگە: 64 گێگابایت و دەتوانرێت زیادبکرێت لە ڕێگەی بیرگەی دەرەکی microSD هەتاوەکو 512 گێگابایت
  • سیستمی وەگەڕخەر: ئەندرۆید ئۆریۆ 8.1
  • توانستی پاتری: 3300 میللی ئەمپێر لەگەڵ پشتگیریکردنی بۆ بارگاویکەرەوەی خێرا و بێ تەل
  • دەرچە: لە جۆری USB-C
  • ڕەنگ: ڕەش و خۆڵەمێش و شین و سوور
  • نرخ: لە 900$ دۆلارەوە دەست پێدەکات
تاگەکان LG V40 ThinQ
بۆچونی تۆ