ئەپی Wallpapersـی گووگڵ ژمارەیەک لە پاشبنەمای قەشەنگی بۆ زیادکران

لە ڕاستیدا ئەپی Wallpapersـی گووگڵ زوو زوو نوێکردنەوەی پێ ناگات، بەڵام ناوەڕۆکەکەی کە بریتییە لە دەیان پاشبنەما بەردەوام نوێدەکرێتەوە و وێنەی جوان و قەشەنگی بۆ زیاد دەکرێت. ئەمەش ئەوەیە کە لە دوایین نوێکردنەوەی ناوەڕۆکی ئەم ئەپڵیکەیشنە چەندان پاشبنەما واتە باکگراوندی نوێ زیادکراون.

بۆ نمونە لەم چەند بەشەی خوارەوە، ژمارەیەک لە پاشبنەمای نوێ زیادکراون:

• Landscapes
• Textures
• Life
• Earth
• Art

شایەنی باسە، ئەپی Wallpaper لە ماوەی ١٠ مانگی ڕابردوودا نوێ نەکراوەتەوە، لەبەرئەوە هیچ ئەپدەیتێک بەردەست نییە وەکو ئەپ لە گووگڵ پلەی، بەڵکو ڕاستەوخۆ لەناو ئەپەکەوە ناوەڕۆکەکەی نوێکراوەتەوە و ڕێژەیەک لە پاشبنەمای قەشەنگ و جوانی بۆ زیادکراون.

لەم بەستەرەوە ئەپی Wallpapers بۆ ئەندرۆیدەکەت دابگرە

سەردار عبدالله

مامۆستای زانکۆ و هەڵگری ماستەر لە فێرکردنی زمانی ئینگلیزی و تەکنەلۆژیا. ساڵانێکە هەواڵ و زانیاری بە زمانی کوردی دەنوسم و ئێستاش لێرە هەم نوسەر و هەمیش بەڕێوەبەری گشتیم بۆ ماوەی زیاتر لە ١٤ ساڵە. هەروەک گرافیک دیزاینەریش خەونی منە! کرتە لە وێنۆچکەی تۆڕە کۆمەڵایەتییەکانم بکەن بۆ ئەوەی زیاتر بمناسن!