مۆبایل و تابلێت 19, تشرینی یه‌كه‌م 2018

لینۆڤۆ بە فەرمی مۆبایلی Lenovo S5 Pro و Lenovo K5 Pro بە دووانە کامێرا و پاتری گەورەوە ڕاگەیاندن

ئەمڕۆ بە فەرمی کۆمپانیای لینۆڤۆ پەردەی لەسەر دوو مۆبایلی نوێ بە ناوەکانی Lenovo S5 Pro و Lenovo K5 Pro لادا. هەروەک چاوەڕوان کراوە ئەم مۆبایلانە خاوەنی تایبەتمەندی مامناوەندن و زیاتر جەختیان لە توانای وێنەگرتن و مۆسیقا و توانستی پاترییە. بفەرموون لە خوارەوە تایبەتمەندی مۆبایلەکان بخوێننەوە:

مۆبایلی Lenovo S5 Pro

  • ڕوونما: لە جۆری IPS LCD بە قەبارەی 6.2 ئینج و بە ڕوونی FullHD
  • کامێرای سێ ڕەهەندی سێلفی بە مەبەستی ناسینەوەی دەموچاو و ٢٠ مێگاپێکسڵە
  • پڕۆسێسەر: لە جۆری Snapdragon 636ی هەشت ناوکی
  • ڕام: 6GB
  • بیرگەی ناوخۆیی: 64GB یان 128GB کە توانای زیادکردن هەیە لە ڕێگەی MicroSD
  • کامێرای پشتەوە: دوانەییە بە ڕوونی 12 مێگاپێکسڵ بۆ هەستەوەری یەکەم و بە ڕوونی 20 مێگاپێکسڵ بۆ هەستەوەری دووەم
  • کامێرای پشتەوەی توانای گرتنی ڤیدیۆی هەیە بە ڕوونی 4K بە 30 وێنە لە چرکەیەکدا
  • پاتری: 3500 ملی ئەمپێرە و پشتگیری لە خێرا بارگاوی کردنەوە دەکات
  • بڵندگۆیی دوانەیی لە پێشەوە هەیە
  • پەنجەمۆری لەسەر پشتەوە هەیە
  • سیستەمی ئەندرۆید 8.1 Oreo لەگەڵ ڕووکاری ZUI تایبەت بە لینۆڤۆ

مۆبایلی Lenovo S5 Pro بۆ داواکاری پێشوەختە لەسەر ماڵپەڕی فەرمی لینۆڤۆ لە چین بەردەستە بە نرخی ١٩٠ دۆلار بۆ جۆری ٦ گێگابایت ڕام و بیرگەی ناوخۆیی ٦٤ گێگابایت، وە بۆ جۆری ٦ گێگابایت ڕام و بیرگەی ناوخۆیی ١٢٨ گێگابایت تا ئێستا نرخ و بەردەست بوونی نەزاندراوە. هەروەها تا ٢٣ ئەم مانگە مۆبایلەکان ڕەوانەی داخوازیکاران ناکرێن.

مۆبایلی Lenovo K5 Pro

  • ڕوونما: لە جۆری IPS LCD بە قەبارەی 6 ئینثىج و بە ڕوونی +FullHD
  • پڕۆسێسەری: هەشت ناوکی لە جۆری Snapdragon 636
  • ڕام: 4GB
  • بیرگەی ناوخۆیی: 64GB یان 128GB
  • کامێرای پێشەوە: دوانەییە و بە ڕوونی 16 مێگاپێکسڵ بۆ هەستەوەری یەکەم و بە ڕوونی 5 مێگاپێکسڵ بۆ هەستەوەری دووەمش.
  • کامێرای پشتەوەی: دوانەییە و بە ڕوونی 16 مێگاپێکسڵ بۆ هەستەوەری یەکەم و بە ڕوونی 5 مێگاپێکسڵ بۆ هەستەوەری دووەم.
  • بڵندگۆی دوانەیی لەسەر بەشی پێشەوەی هەیە
  • پارتی: 4050m ملی ئەمپێرە و پشتگیری لە بارگاوی کردنەوەی خێرا بە تەکنەلۆژیای Quick  Charge 3.0 دەکات
  • پەنجەمۆر لەسەر بەشی پشتەوەی مۆبایلەکە هەیە
  • سیستەمی ئەندرۆید 8.1 Oreo لەگەڵ ڕووکاری ZUI تایبەت بە لینۆڤۆ

مۆبایلی Lenovo K5 Pro بۆ داواکاری پێشوەختە لەسەر ماڵپەڕی فەرمی لینۆڤۆ لە چین بەردەستە بە نرخی ١٤٥ دۆلار بۆ جۆری ٤ گێگابایت ڕام و بیرگەی ناوخۆیی ٦٤ گێگابایت.، وە بە نرخی ١٩٠ دۆلار بۆ جۆری ٦ گێگابایت ڕام و بیرگەی ناوخۆیی ١٢٨ گێگابایت. تا ٢٥ ئەم مانگە مۆبایلەکان ڕەوانەی داخوازیکاران ناکرێن.

سەرچاوە :
تاگەکان Lenovo
بۆچونی تۆ