5 ڕێنمایی گرنگ پێش فرۆشتنی مۆبایلەکەت

ئەگەر بە نیازیت مۆبایلە زیرەکە کۆنەکەت بفرۆشیت یان بیکەیت بە جۆرێکی باشتر لە ڕووی تایبەتمەندی و توانستەوە، ئەوا چەند ڕێنماییەک هەیە پێش فرۆشتنی پێویستە لەبەرچاوی بگریت، بۆ ئەوەی سبەی دوای فرۆشتنی ڕووبەڕووی کێشە و پەشیمانی نەبیتەوە. ڕێنماییەکانیش بریتین لە:

1. سەرەتا پێویستە زانیارییە کەسییەکانی خۆت بگوازیتەوە بۆ ئامێرێکی تر یان Backupـێکی لێ بگریت بۆ سەر بیرگەیەکی دەرەکی (External Hard Drive) یان خزمەتگوزاریەکی هەوری (Cloud Service).
2. پێویستە مۆبایلەکەت بگەڕێنیتەوە سەر دۆخی سەرەتای کۆمپانیا، واتە فۆڕماتێکی بکەیت. ئەگەر مۆبایلەکەت ئەندرۆیدە ئەوا بە شێوەیەکی گشتی بەم شێوەیە دەکرێت. ئەم هەنگاوانە بگرە بەر: Settings > Advanced Settings > Backup and Reset > Factory data reset، ئەگەریش مۆبایلەکەت ئایفۆنە، ئەوا ئەم هەنگاوانە بگرە بەر: Settings > General > Reset > Erase All Content and Settings.
3. پێویستە مۆبایلەکەت جوان پاک بکەیتەوە و لەگەڵ ئەو کەلوپەلەیشی لەگەڵیەتی، هەروەک پێویستە ئەو شوخت و پیسی و شێواویانەی هەیەتی بتوانیت لایان ببەیت، ئەمەش بۆ ئەوەی بتوانیت بە نرخێکی گونجاوتر بیفرۆشیت.
4. ئێستا هەنگاوی گرنگ ئەوەیە لە شوێنێکی گونجاو و باوەڕپێکراو مۆبایلەکەت بفرۆشیت، جا ئەم شوێنە فرۆشگایەکی سەرهێڵ بێت (کە ئەمە لە کوردستان کەمە) یان شوێنێک بۆ گۆڕینەوە و فرۆشتنی مۆبایل بێت ئاساییە، بەڵام دووپاتکردنەوە لە باوەڕپێکراوی ئەو شوێنە گرنگە.
5. ئەگەر لەسەرهێڵ واتە ئۆنلاین دەیفرۆشیت ئەوا وا باشترە وێنەی مۆبایلەکەت بە شێوەیەکی جوان و سەرەنجڕاکیش بگریت تا کڕیار بە جوانی و ڕێکوپێکی مۆبایلەکە ببینێت و دەرئەنجامیش ببێتە هۆی فرۆشتنی مۆبایلەکە.

ئەمانەی سەرەوە گرنگترین خاڵەکان بوون پێش فرۆشتنی مۆبایلەکەت، ئەگەر تۆش خاڵێکی گرنگت لایە لە کۆمێنتەکان بینوسە.

سەردار عبدالله

مامۆستای زانکۆ و هەڵگری ماستەر لە فێرکردنی زمانی ئینگلیزی و تەکنەلۆژیا. ساڵانێکە هەواڵ و زانیاری بە زمانی کوردی دەنوسم و ئێستاش لێرە هەم نوسەر و هەمیش بەڕێوەبەری گشتیم بۆ ماوەی زیاتر لە ١٤ ساڵە. هەروەک گرافیک دیزاینەریش خەونی منە! کرتە لە وێنۆچکەی تۆڕە کۆمەڵایەتییەکانم بکەن بۆ ئەوەی زیاتر بمناسن!