7 یاری نوێی ئەم هەفتەیە بۆ مۆبایلی ئەندرۆیدەکەت دابگرە

هەموو ڕۆژێک و بەردەوام ئەپ و یاری نوێ بۆ کۆگای گووگڵ پلەی زیاد دەبێت ئەمانەی خوارەوەش باشترینەکانی ئەم هەفتەیەن.

Rumble Arena PVP: Super Smash Legends

یاریەکی جەنگیە هاوشێوەی super smash brothers و تیایدا دەتوانیت لەگەڵ هاوڕێکانت بجەنگیت هەتاوەکو 4 کەس، هەروەها یاریەکە پشتگیری دەکات لە ڕێکخستنە دەرەکیەکانی وەک دەسک هەتاوەکو یاریدەدەر بێت لە کاتی یاریکردندا.

• ئەندرۆید

!..Swing

یاریەکە تیایدا دەبێت شەشپاڵووەکان هەڵبدەیتە شوێنی مەبەست بێ ئەوەی بکەونە خوارەوە، لەوانەیە بەلاتەوە یاریەکی ئاسان بێت بەڵام بەو ئاسانیە نییە و کات کوژە.

• ئەندرۆید

Returner 77 LITE

وەشانێکی قەبارە کەمترە لە یاری Returner 77ـی بە پارە، تیایدا دەبێت نهێنیەکان چارەسەر بکەیت لە چوارچێوەی خەیاڵی زانستیدا هەتاوەکو بتوانیت لە ژوورێکەوە بڕۆیتە ژوورێکی دیکە.

• ئەندرۆید

Bang The Blocks

هەروەک لە ناوەکەیدا دیارە پێویستە لە سەرت بۆمبەکان بتەقێنیتەوە لە کاتی گونجاودا هەتاوەکو ڕزگارت ببێت لە شەشپاڵووەکان.

• ئەندرۆید

Spiral Rush: a Snake Game

هاوشێوەی یاری کرمەکەیە کە پێشووتر بە مۆبایلە کۆنەکانی نۆکیا یاریمان پێدەکرد لەم یاریەشدا بە هەمان شێوە پێویستە بە شێوازێک خۆت ڕزگار بکەیت و هەوڵ بدەیت لە کاتی خواردنت بۆ تۆپەکان و گەورە بوونت ڕووبەڕووی پێکدادان نەبیتەوە لەگەڵ خۆتدا.

• ئەندرۆید

Dank Tanks

یاریەکی جەنگی پلان داڕشتنە و تیایدا دەجەنگیت لەگەڵ کەسانی دیکە لە هەموو جیهاندا و هەندێک کاتیش لەوانەیە جەنگی 3 دژی 1ـیش ڕووبدات.

• ئەندرۆید

Eternity Legends: League of Gods Dynasty Warriors

یاریەکی جەنگیە و خاوەنی چەند بارێکی جیاوازە لەوانەش باری سەرکێشی یاخود باری جەنگی ڕۆژانە هەروەها ناوچەی تایبەت لە خۆدەگرێت بۆ جەنگکردن لە دژی کەسانی دیکە و دەشتوانیت بڕۆیتە نێو گروپ و هۆزەکانی دیکەوە.

• ئەندرۆید