ئاسایشی ئەلیکترۆنی 22, تشرینی دووه‌م 2018

ئەمەزۆن بە هەڵە ناوی بەکارهێنەران و ئیمەیڵەکانیان لەسەر پێگەکەی بە هۆی هەڵەیەکی هونەریەوە بڵاودەکاتەوە

بێگمان لە ماوەی ڕابردوودا حاڵەتی جیاجیامان بینی لە دزەپێکردنی زانیاری بەکارهێنەران، بەڵام زۆربەیان بەهۆی ئەپی تری لایەنی سێیەمەوە بوون. بەڵام سەبارەت بەو حاڵەتەی ئەمەزۆن، ئەوا بەهۆی کێشەیەکی هونەریەوە زانیاری بەکارهێنەرانی لە ناو و ئیمەیڵە تایبەتییەکانیان بۆ گشت لایەک ئاشکرا دەبێت و بەبێ مەبەست دەردەکەون.

بە گوێرەی ماڵپەڕی BetaNews، ئەمەزۆن پەیامێکی بۆ بەکارهێنەرانی لە ڕێگەی ئیمەیڵەوە ناردووە و پۆزشی هێناوەتەوە سەبارەت بە دەرکەوتنی ناو و ئیمەیڵەکانیان  ڕایگەیاندووە هۆکارەکە هونەری بووە و بەبێ مەبەست بووە. هەروەک کێشەکەش چارەسەرکراوە و پێویست بە هیچ هەنگاوێک ناکات بە مەبەستی خۆ پاراستن، چونکە هیچ هێرشێک لەم ڕووەوە بە دی نەکراوە.

هەرچەندە پەیامەکە بە ژمارەیەکی زۆر لە بەکارهێنەران گەیشتووە، بەڵام ئەمەزۆن ڕەتی کردەوە لەم بارەیەوە هیچ لێدوانێک بدات، کە ژمارەی توشبووان بەو کێشەیە چەند دەبن.

سەرچاوە :
تاگەکان Amazon
بۆچونی تۆ