5 لە هەژمارەکانت لێرەوە بسڕەوە (فەیسبووک، ئینستەگرام، تێلەگرام و سناپچات…)

ڕۆژانێک پێویستیت بە سڕینەوەی هەژمارەکەت دەبێت بە هەر هۆیەک، یان بێزاربووی لە هەواڵ و نامە زۆرەکان و دەتەوێت بۆشاییەک وەربگریت. لەم بابەتە و بە شێوەیەکی سادە و بە چەند هەنگاوێک 5 لە هەژمارەکانت لە تۆڕە کۆمەڵایەتییەکان بسڕەوە.

سڕینەوەی هەژماری فەیسبووک:

کرتە لەم بەستەرە بکە، پاشان تێپەڕە-وشەکەت بنوسە و Sumbit دابگرە. بۆ ماوەی ١٤ ڕۆژ هەژمارەکەت دەمێنێتەوە، پاش ئەوە بە یەکجاری دەسڕێتەوە.

سڕینەوەی هەژمارەی تویتەر:

پاش سڕینەوەی هەژمارەکەت، تویتەر زانیاریەکانت بۆ ماوەی ٣٠ ڕۆژ دەپارێزێت و ئەمەش لە پێناوی ئەوەی کە هەر کات بەکارهێنەر بیەوێت هەژمارەکەی بهێنێنێتەوە دەتوانێت هەژمارەکەی بگەڕینێتەوە.

• وێبگەڕەکەت بکەرەوە و پێگەی twitter.com بکەرەوە.
• تۆماری هەژمارەکەت بە و کرتە لە Profile and settings بکە.
• کرتە لە setting بکە.
• پاشان سکرۆڵی پەڕەکە بێنە خوارەوە و دەبینیت کەبەشی Deactivate my account هەیە و کرتەی لێبکە.
• لەدوای خوێندنەوەی زانیاریەکان، کرتە لە Deactivate بکە، پاشان بۆ دڵنیاییکردنەوە پێویستە وشە نهێنەکەی هەژمارەکەت تۆمار بکەیت.

سڕینەوەی هەژماری تێلەگرام:

سەرەتا کرتە لەم بەستەرە بکە. پاشان لەو بۆشاییەی دەیبینیت ژمارەکەت بنوسە و Next بکە. ژمارەی نهێنی بۆ ژمارەکەت دەڕوات و پیویستە لە بۆشایی دووەم ژمارەکە بنوسیت. پاشان Sign in. لەو پەڕەیەی دواتر بەشی Your Telegram Core دەبینیت و تۆ کرتە لە Deactive بکە Done بکە، پاشان Yes Delete My account بکە.

سڕینەوەی هەژماری ئینستەگرام:

سەرەتا کرتە لەم بەستەرە بکە: کرتە بکە

• بە ناوی بەکارهێنەر و وشەی نهێنی خۆتەوە بڕۆ ژوورەوە بۆ ناو هەژمارەکەت.
• پاشان داوای هۆکارت لێدەکات کە ئاخۆ بۆچی هەژمارەکەت دەسڕیتەوە، بە هۆیەک پڕی بکەرەوه.
• وشە نهێنیەکەت بنوسە.
• پاشان کرتە لە دووگمە سورەکە بکە بە ناوی Permanently delete my account.
• هەژمارەکەت سڕایەوە و بەسەرکەوتووی ئەنجامت دا.

سڕینەوەی هەژماری سناپ چات:

سەرەتا سەردانی ئەم بەستەرەی خوارەوە بکە: کرتە لێرە بکە

پێویستە بۆشاییەکان پڕ بکەیتەوە بە ناوی بەکارهێنەر و تێپەڕە وشە. پاشان ئاگاداریمان دەکات دەربارەی سڕینەوەی هەژمارەکەمان. تۆ Continue دابگرە. بۆ ماوەی ٣٠ ڕۆژ دەمینێتەوە تا ئەو کاتەی دەچیتە ناو هەژمارەکەتەوە.