ئۆپۆ 25, تشرینی دووه‌م 2018

ئۆپۆ کاردەکات لەسەر مۆبایلێکی نوێ بە ناوی Realme U1 و خاوەنی باشترین کامێرای سێڵفی دەبێت

کۆمپانیای ئۆپۆ وا دیارە کاردەکات لەسەر ئامێرێکی نوێ بە ناوی Realme U1، یەکەم مۆبایلیش دەبێت کە کاردەکات بە پڕۆسێسەری Helio P70، شایەنی باسە مۆبایلەکە خاوەنی هەمان دیزاینی مۆبایلی Realme 2 دەبێت بە شێوەیەک خاوەنی دوو کامێرا لە بەشی پشتەوە لەگەڵ هەستەوەری پەنجەمۆر لە خوارەوە دەبێت، سەبارەت بە Realme U1 یەکەم دەرکەوتنی مۆبایلەکە لە دەستی بەڕێوبەری جێبەجێکاری کۆمپانیاکە Madhav Sheth بوو کە هەستا بە چرکاندنی وێنەیەکی سێڵفی پاش وەرگرتنی بۆ خەڵاتی باشترین نیشانەی بازرگانی ساڵ و باشترین مۆبایلی زیرەک لە ژێر نرخی 20000 ڕوبیەی هیندی کە ئەویش Realme 2 Proـە، کۆمپانیای ناوبراویش لە بارەی مۆبایلی Realme U1ـەوە دەڵێت خاوەنی باشترین کامێرای سێڵفی دەبێت.

گرنگترین تایبەتمەندیە دزەپێکراوەکان:-

  • ڕوونما: لە جۆری IPS LCD و بە قەبارەی 6.3 ئینج و بە ڕوونی 1080×2340 پێکسڵ و پارێزراوە بە چینێک لە شوشەی پارێزەری Gorilla Glass 3
  • پڕۆسێسەر: MediaTek Helio P70
  • ڕام: 3 گێگابایت
  • بیرگە: 32 گێگابایت و دەتوانرێت لە ڕێگای بیرگەی دەرەکیەوە زیادبکرێت هەتاوەکو 256 گێگابایت
  • کامێرای پشتەوە: دوو کامێرا بە ڕوونی 13+2 مێگاپێکسڵ
  • کامێرای پێشەوە: 25 مێگاپێکسڵ
  • توانستی پاتری: 3500 ملی ئەمپێر
  • سیستمی وەگەڕخەر: ئەندرۆید ئۆریۆ 8.1
  • پاراستن: هەستەوەری پەنجەمۆر جێگیرکراوە لە بەشی پشتەوە
  • نرخ: ئاشکرا نەکراوە
  • بەرواری بەردەستبوون: ئاشکرا نەکراوە

تێبینی:

  • تایبەتمەندیەکانی سەرەوە تەنها دزەپێکراون و هەتاوەکو ئێستا سەرجەمیان پشت ڕاست نەکراونەتەوە.

سەرچاوە:

  • 91Mobile
تاگەکان Oppo Realme U1
بۆچونی تۆ