10
ئۆپۆ 29, تشرینی دووه‌م 2018

ئۆپۆ مۆبایلی Realme U1ـی بە کامێرایەکی ئاست بەرز و پڕۆسێسەری Helio P70ـەوە ڕاگەیاند

کۆمپانیای Realme کە نیشانەیەکی بازرگانی ئۆپۆیە بە فەرمی مۆبایلی Realme U1ـی ڕاگەیاند، مۆبایلەکە لە ماوەی ڕابردوودا هەروەک لە چەند بابەتێکدا ئاماژەمان پێدابوون کۆمەڵێک لە تایبەتمەندیەکانی دزەپێکران بەڵام ئێستا مۆبایلەکە بە فەرمی ڕاگەیەنرا، شایەنی باسە Realme U1 یەکەم مۆبایلی کۆمپانیای ئۆپۆیە کە بە شێوەیەکی تایبەت تیایدا گرنگی بە کامێرای سێڵفی مۆبایلەکە دراوە لەگەڵ ئەوەشدا ڕوونمای مۆبایلەکە هەڵگری نۆچێکە لە شێوەی دڵۆپە و هەروەک ئاشکرایە کامێراکەی لە ناودایە سەرەڕای ئەمانەش کامێرای پێشەوەی مۆبایلەکە توانایەکی باشی پێشکەشکردووە لە چرکاندنی وێنەکان لەو ژینگانەی ڕووناکی تێیدا نزمە.

گرنگترین تایبەتمەندیەکانی:-

  • ڕوونما: لە جۆری LTPS IPS LCD و بە قەبارەی 6.3 ئینج و بە ڕوونی +FullHD و پارێزراوە بە چینێک لە شوشەی پارێزەری Corning Gorilla Glass 3
  • پڕۆسێسەر: هەشت ناوکی لە جۆری Mediatek Helio P70
  • ڕام: 3 یان 4 گێگابایت
  • بیرگە: 32 یان 64 گێگابایت و دەتوانرێت زیاد بکرێت لە ڕێگەی بیرگەی دەرەکی microSD هەتاوەکو 256 گێگابایت
  • کامێرای پێشەوە: 25 مێگاپێکسڵ
  • کامێرای پشتەوە: دوو کامێرا بە ڕوونی 13+2 مێگاپێکسڵ
  • سیستمی وەگەڕخەر: ئەندرۆید ئۆریۆ 8.1 بە ڕووکاری ColorOS 5.2
  • توانستی پاتری: 3500 ملی ئەمپێر
  • ڕەنگ: ڕەش و شین و ئاڵتونی
  • نرخ: 170$ بۆ جۆری 3/32 گێگابایت و 215$ بۆ جۆری 4/64 گێگابایت
  • پاراستن: هەستەوەری پەنجەمۆر جێگیرکراوە لە بەشی پشتەوە

 

تاگەکان Oppo Realme U1
بۆچونی تۆ