کۆمپانیای DJI تایبەتمەندە لە بواری دروستکردنی ئامێرەکانی ڤیدیۆ، بۆ نمونە کوادکۆپتەرەکان و کامێرای توانست بە تۆمارکردنی ڤیدیۆی جێگیر و بێ لەرەلەر. کۆمپانیای ناوبراو بە بەرهەمێکی نوێ بە ناوی Osmo Pocket ـەوە گەڕایەوە مەیدان، کە کامێرایەکە و بۆ گیرفان گونجاوە. ئەو کامێرا چکۆڵەیە توانای تۆمارکردنی ڤیدیۆیی 4K بە ٦٠ وێنە لە چرکەیەکدا هەیە، کە هەستەوەرەکەی جێگیرە بۆ تۆمارکردنی گرتەی ڤیدیۆیی جێگیر و بێ لەرەلەر.
ئۆزمۆ پۆکێت بە زۆرینەی ئەو تایبەتمەندیانەوە ڕاگەیاندراوە کە کامێرایەکی گیرفانی پێویستە لەخۆی بگرێت، هەستەوەرێکی 1/2.3 ئینجی هەیە لەگەڵ 1.55μm پێکسڵ کە بێگومان بۆ ئاستی ڕووناکی کەم کاری خۆی دەکات، هەروەها هاوێنەیەکی هەیە کە بە ٨٠ پلە دەسوڕێت. دی جەی ئای دەڵێت “بچوکترین کامێرای جێگیری دەستی ٣ تەوەرییە.” کە تا ئێستا دروستیان کردبێت. بێگومان ئامێرەکە زۆر بچوکە، کە پێوانەکەی ٢٨.٦ بە ٣٦.٩ بە ١٢١.٩ ملی مەترە و کێشی تەنها ١١٦ گرامە.
Meet Osmo Pocket, the smallest 3-axis stabilized handheld camera DJI has ever made. Small enough to fit in your pocket, powerful enough to share your best moments at any time, no matter where you are.
Find more information or pre-order yours today at: https://t.co/qsIZuW3GGW pic.twitter.com/OcRhhKc0BJ
— DJI (@DJIGlobal) November 28, 2018
بێگومان، دی جەی ئای پێوەکراوەی تری بۆ ئەم ئامێرە بەردەست کردوون، بۆ نمونە Osmo Pocket Wireless Module و Osmo Pocket Accessory Mount بە مەبەستی پەیوەستکردنی بە مۆبایلەوە، هەروەها controller wheel بۆ دەست بەسەرداگرتنی چەند بەشێکی کامێراکە. ئەم ئامێرە نرخی ٣٤٩ دۆلارە و دەتوانیت لە ئەمڕۆوە لەسەر ماڵپەڕی دی جەی ئای داوای پێش وەختە تۆمار بکەیت و لە ماوەی ١٠ بۆ ١٥ ڕۆژ پێت دەگات.
