هەواڵ 17, كانونی یه‌كه‌م 2018

هواوەی مۆبایلی Nova 4ـی بە چاڵی ڕوونما و سێ کامێراوە ڕاگەیاند

هەروەک چاوەڕوان دەکرا ئەمڕۆ بە فەرمی کۆمپانیای هواوەی نوێترین مۆبایلی زنجیرەی نۆڤای ڕاگەیاند ئەویش Nova 4ـە و جیاواز لە مۆبایلەکانی دیکەی هواوەی ئەم مۆبایلە خاوەنی چاڵی ڕوونمایە کە کامێرای سێڵفی مۆبایلەکەی تێدا جێگیر کراوە، سەبارەت بە تایبەتمەندیەکانی مۆبایلەکە بە شێوەیەکی گشتی هاوتایە لەگەڵ ڕاپۆڕتە دزەپێکراوەکان کە لە ماوەی ئەم چەند ڕۆژەی پێشوودا ئاشکرا کرابوون بە شێوەیەک Nova 4 لە ڕووکاری پێشەوە خاوەنی ڕوونمایەکە بە چاڵی ڕوونما و لە ڕووکاری پشتەوەش خاوەنی سێ کامێرایە و لە تەنیشتیدا هەڵگری هەستەوەری پەنجەمۆرە.

گرنگترین تایبەتمەندیەکانی:-

  • ڕوونما: لە جۆری IPS LCD و بە قەبارەی 6.4 ئینج و بە ڕوونی FHD+
  • پڕۆسێسەر: Hisilicon Kirin 970
  • ڕام: 8 گێگابایت
  • بیرگە: 128 گێگابایت و دەتوانرێت زیاد بکرێت لە ڕێگەی بیرگەی دەرەکی microSDـەوە هەتاوەکو 512 گێگابایت
  • کامێرای پێشەوە: 25 مێگاپێکسڵ
  • کامێرای پشتەوە: سێ کامێرا بە ڕوونی 16+20+2 مێگاپێکسڵ
  • سیستمی وەگەڕخەر: ئەندرۆید پای 9.0 بە ڕووکاری MIUI 9
  • توانستی پاتری: 3750 ملی ئەمپێر و پشتگیری لە بارگاویکردنەوەی خێرا دەکات بە خێرایی 18 وات
  • ڕەنگ: سوور و شین و ڕەش و سپی
  • پاراستن: هەستەوەری پەنجەمۆر جێگیر کراوە لە بەشی پشتەوە
  • نرخ: 450$ دۆلار بۆ جۆری کامێرا 20 مێگاپێکسڵ و 500$ دۆلار بۆ جۆری کامێرا 48 مێگاپێکسڵ
  • بەرواری بەردەستبوون: لە ئەمڕۆوە بەردەستە بۆ داواکاری پێشوەختە و لە بەرواری 27/12/2018ـەوە لە چین بەردەست دەبێت بۆ فرۆشتن

سەرچاوە:

  • Tech-WD
تاگەکان Nova 4
بۆچونی تۆ