ئەندرۆید

شاومی وێبگەڕە نوێیەکەی بە قەبارەیەکی کەم و کۆمەڵێک تایبەتمەندی ناوازەوە ڕاگەیاند

گەشەپێدەرانی کۆمپانیای شاومی لە ماوەی ڕابردوودا هەستان بە ڕاگەیاندنی وێبگەڕێکی نوێ بۆ بەکارهێنەرانی سیستمی ئەندرۆید، وێبگەڕە نوێیەکە بە Mint ناودەبرێت و قەبارەیەکی ئێجگار کەمی هەیە ئەویش تەنها 10 مێگابایتە و لە کۆگای گووگڵ پلەی بەردەستە بە خۆڕایی، سەبارەت بە وێبگەڕەکە کۆمپانیای شاومی ئاماژەی بەوەدا Mint Browser جەخت لە پاراستنی کەسێتی بەکارهێنەران دەکات لە ئینتەرنێتدا هەروەها خێراتریشە بە بەراورد بە وێبگەڕەکانی دیکە، لەگەڵ ئەمانەشدا خاوەنی چەند تایبەتمەندیەکە لەوانە پشتگیری کردنیەتی بۆ باری گەڕانی شاراوە و گەڕان لە ڕێگای فەرمانە دەنگیەکان لەگەڵ بارێکی تایبەت بە خوێندنەوە.

سەرەڕای ئەمانەش ئەگەر خاوەن ئینتەرنێتی سنووردار بیت ئەوا ئەم وێبگەڕە گونجاوە بۆت و خاوەن دیزاینێکی سادەیە و بەشەکانی دەرچوون لە ماڵپەڕ و کردنەوەی پەڕەی نوێ و گەڕانەوە بۆ لاپەڕەی سەرەکی نزیککراوەتەوە هەتاوەکو بەکارهێنەر بە ئاسانی کۆنتڕۆڵیان بکات، هەروەها لە کاتی بەکارهێنانم بۆ وێبگەڕەکە تا ڕادەیەکی زۆر هەستم بە خێرایی کرانەوەی ماڵپەڕەکان کرد لە Mint Browser بە بەراورد بە وێبگەڕەکانی دیکە، ئێوەش دەتوانن لەو بەستەرەی خوارەوە وێبگەڕەکە دابگرن و تاقیبکەنەوە.

24 كانونی یه‌كه‌م، 2018
ئاڤاتار
ناوم هاوژین یونسە، وەک نووسەر لە ماڵپەڕی کەی ئای تی ئێندا کاردەکەم و هەندێک شارەزاییم هەیە لە سیستمەکانی ئەندرۆید و ئای ئۆ ئێس و ویندۆز و ئاگاداری نوێترین هەواڵە تەکنەلۆژییەکانم، هەروەها گرنگی بە هەواڵی یاریە ڤیدۆیەکان دەدەم و حەز و ئارەزوویەکی زۆرم هەیە بۆ یاریە ڤیدیۆیەکان بە تایبەت زنجیرەی یاریەکانی Assassin's Creed، وە ئامانجیشم پێشخستنی بواری تەکنەلۆژیایە لە کۆمەڵگای کوردیدا و ناساندنی زیاتری تەکنەلۆژیایە بە هەر تاکێکی کورد.
888