ئەپڵ

ئەپستۆر لە ڕۆژانی پشووەکان و یەکەم ڕۆژی ساڵی نوێدا ژمارەی پێوانەیی تۆمار کردووە لە پەیدا کردنی داهاتدا

وەکو باوە هەموو ساڵێک هاوڵاتیان لە ڕۆژانی پشووەکانی مانگی ١٢ و یەکەم ڕۆژی ساڵی نوێدا بڕە پارەیەکی زۆر سەرف دەکەن لە کڕینی نەرمەکاڵا و کەلوپەل و شتانی تردا، بەکارهێنەرانی کۆگای ئەپستۆریش زۆرترین بڕە پارەیان سەرف کردووە لە کڕینی ئەپ و یارییەکاندا. ئەمڕۆ ئەپڵ ڕایگەیاند کە ئەپستۆر ژمارەیەکی پێوانەیی تۆمار کردووە لە بەدەستهێنانی داهات لە ڕۆژانی پشووەکان و یەکەم ڕۆژی ساڵی نوێدا.

ئەپڵ ڕایگەیاندووە لە ماوەی نێوان جەژنی کریسمس تاوەکو یەکەم ڕۆژی ساڵی نوێی ٢٠١٩ بەکارهێنەرانی ئای ئۆ ئێس بڕی ١.٢٢ ملیار دۆلاریان لە کڕینی ئەپ و یارییەکاندا سەرف کردووە لە کۆگای ئەپستۆردا، وە بە تەنهاش لە یەکەم ڕۆژی ساڵی نوێدا بەکارهێنەران ٣٢٢ ملیۆن دۆلاریان سەرف کردووە لە کۆگاکەدا. ئەمە لە کاتێکدا کە لە ساڵی ڕابردوودا و لە یەکەم ڕۆژی ساڵەکەدا بەکارهێنەران بڕی ٣٠٠ ملیۆن دۆلاریان لە کۆگاکەدا سەرف کردبوو، بۆ ئەمساڵ ژمارەکە بەرز بوونەوەی بە خۆیەوە بینیوە.

ئەپەکانی ناو چەشنی یاری و گرنگی پێدان(Self-Care) لە سەرووی گشت چەشنەکانەوە بوون لە ڕووی داگرتنەوە، هەروەها یارییەکانی Fortnite و PUBG زۆرترین جار لە لایەن بەکارهێنەرانەوە لە ڕۆژانی پشووەکان و یەکەم ڕۆژی ساڵی نوێدا داگیراون.

سەرچاوە :
3 كانونی دووه‌م، 2019
ئاڤاتار
خوێندکاری پەیمانگای کۆمپیوتەرم، شارەزایی تەواوم هەیە لە هەریەک لە سیستەمە کارپێکەرەکانی iOS و macOS و Windows. ڕۆژانە و بە بەردەوامی ئاگاداری دواین هەواڵ و گۆڕانکارییەکانی تایبەت بە تەکنەلۆژیام. ئێستا، لە کەی ئای تی ئێن سەرقاڵی نووسینی بابەتی پەیوەندیدار بە تەکنەلۆژیاوەم. دەتوانیت کرتە لە وێنۆچکەی تۆڕە کۆمەڵایەتییەکان بکەیت ئەگەر خوازیاریت پەیوەندیم پێوە بکەیت یاخود ئاگات لە دواین چالاکییەکانم ببێت.
517