10
سامسۆنگ 10, كانونی دووه‌م 2019

مۆبایلەکانی سامسۆنگ ڕێگە بە سڕینەوەی ئەپی فەیسبووک نادەن

هەندێک لە بەکارهێنەرانی مۆبایلەکانی سامسۆنگ بۆیان ئاشکرابوو ئەپی فەیسبووک کە پێشووتر جێگیرکراوە لەسەر مۆبایلەکانیان دەسەڵاتی سڕینەوەیان بۆ ئەپەکە نییە، ئەمەش بە پێی ڕاپۆرتێکی ماڵپەڕی BloomBergـە، هەر لەم بارەیەشەوە کاتێک بەکارهێنەران هەوڵی سڕینەوەی ئەپی فەیسبووک دەدەن تێبینی ئەوە دەکەن هەڵبژاردەی سڕینەوە Uninstall بوونی نییە و تەنها هەڵبژاردەی وەستاندن Force Stop و ناچالاککردن Disable بەردەستە.

ئەمەش واتای ئەوە دەگەیەنێت ئەپەکە لە کارکردن دەوەستێت بەڵام وەک ئاشکرایە فەیسبووک توانای کۆکردنەوەی تایبەتمەندیە کەسێتیەکان و شوێنی جوگرافی بەکارهێنەری هەیە ئەمەش لەوانەیە لە لای هەندێک لە بەکارهێنەران ناپەسەند بێت بەڵام لەوانەشە بەکارهێنەرانی کوردستان ئەم هەنگاوەیان بەلاوە ئاسایی بێت، بە هەر حاڵ ئەمە شتێکی تا ڕادەیەک ئاساییە چونکە کۆمپانیاکانی دروستکەری مۆبایل ڕێککەوتن ئەنجام دەدەن لەگەڵ کۆمپانیای دیکە هەتاوەکو ئەپەکانیان بکەنە بەشێک لە سیستم.

سەرچاوە:-

تاگەکان Facebook Samsung
بۆچونی تۆ