چۆنییەتی 20, کانوونی دووەم 2019

چۆنیەتی گواستنەوەی پەڕگەکان لە نێو ئەپی Numbers ـەوە بۆ Excel لە iOS و macOS

هەندێک جار پەڕگەیەکی Spreadsheet لە نێو ئەپی Numbers ـدا درووست دەکەیت و دەتەوێت لە دواتردا پەڕگەکە لە نێو ئەپی Excel ـدا بکەیتەوە، بەڵام بێگومان ڕاستەوخۆ کارەکە جێبەجێ نابێت و دەبێت کرداری گواستنەوەی بۆ ئەنجام بدەیت. لەم بابەتەدا کەی ئای تی ئێن هەنگاو بە هەنگاو چۆنیەتی گواستنەوەی پەڕگەکان لە نێو ئەپی Numbers ـەوە بۆ Excel لە iOS و macOS ـتان نیشان دەدات.

لە macOS ـدا:

هەنگاوی یەکەم: کردنەوەی پەڕگە Spreadsheet ـەکەت، کرتە لە دوگمەی File بکە لە شریتی لیستەکان.
هەنگاوی دووەم: کرتە کردن لە Export To و لە پاشان کرتە کردن لە Excel

هەنگاوی سێیەم: لە پاش ئەنجامدانی هەنگاوەکەی پێشوودا، پەنجەرەیەک دەکرێتەوە و چەند هەڵبژاردنێکت دێتە بەردەست، ئەگەر دەتەوێت پەڕگەکەت بە شێوەی sheet نیشان بدات کرتە لە One per sheet بکە، ئەگەر دەتەوێت پەڕگەکەت بە شێوەی خشتە نیشان بدات One per sheet هەڵبژێرە.
هەنگاوی چوارەم: لە پاش ئەنجامدانی ڕێکخستنەکان، کرتە لە دوگمەی Next بکە.
هەنگاوی پێنجەم: پەنجەرەیەک دەکرێتەوە، شوێنی پەڕگە گواستراوەکەت دەستنیشان بکە و ناوێکی لێ بنێ. دواتر کرتە بکە لە دوگمەی Export.
هەنگاوی شەشەم: لە دوای ئەنجامدانی هەنگاوەکانی پێشوو، ئێستا بڕۆ پەڕگە گواستراوەکەت بکەرەوە.

لە iOS ـدا:

هەنگاوی یەکەم: کردنەوەی پەڕگە Spreadsheet ـەکەت، کرتە کردن لە سێ بازنەکەی سەرەوە.
هەنگاوی دووەم: کرتە کردن لە بژاردەی Export.
هەنگاوی سێیەم: کرتە کردن لە Excel. لە پاشان دیاریکردنی ئەو شوێنەی کە دەتەوێت پەڕگەکەی تێدا بڵاو بکەیتەوە یاخود هاوبەشی پێ بکەیت.