سامسۆنگ

دزەپێکردنی نرخ و تەواوی تایبەتمەندیەکانی هەردوو مۆبایلی Galaxy M10 و Galaxy M20

بە پێی نوێترین ڕاپۆرتەکان وا بڕیارە کۆمپانیای سامسۆنگ نوێترین مۆبایلەکانی زنجیرەی Galaxy M Series ڕابگەیەنێت لە کۆتاییەکانی ئەم مانگەدا یاخود لە دەستپێکی مانگی داهاتوو، سەبارەت بە تایبەتمەندیەکانی مۆبایلە نوێیەکانی ئەم زنجیرەیە ئەوانیش Galaxy M10 و Galaxy M20ـن، ئەوا لە ماوەی ڕابردوودا ڕاپۆرتێک تایبەتمەندیەکان و نرخی هەردوو مۆبایلەکەی ئاشکرا کرد، لەگەڵ ئەوەشدا ئەم دوو مۆبایلە دەبنە جێگرەوەیەک بۆ مۆبایلەکانی Galaxy J Series و Galaxy C Series و Galaxy On Series.

گرنگترین تایبەتمەندیە دزەپێکراوەکانی مۆبایلی Galaxy M10:-

  • ڕوونما: لە جۆری IPS LCD و بە ڕوونی +HD و بە قەبارەی 6.2 ئینج لەگەڵ بوونی نۆچ لە بەشی سەرەوەی ڕوونما
  • پڕۆسێسەر: شەش ناوکی لە جۆری Exynos 7872
  • بیرگەی ناوەکی: 16 یان 32 گێگابایت
  • ڕام: 2 یان 3 گێگبابایت
  • سیستمی وەگەڕخەر: ئەندرۆید ئۆریۆ 8.1
  • کامێرای پێشەوە: 5 مێگاپێکسڵ
  • کامێرای پشتەوە: دوو کامێرا بە ڕوونی 13+5 مێگاپێکسڵ
  • توانستی پاتری: 3400 ملی ئەمپێر
  • نرخ: 8990 ڕوبیەی هیندی / 126$ دۆلار

گرنگترین تایبەتمەندیە دزەپێکراوەکانی مۆبایلی Galaxy M20:-

  • ڕوونما: لە جۆری PLS TFT و بە ڕوونی +FullHD و بە قەبارەی 6.3 ئینج
  • پڕۆسێسەر: هەشت ناوکی لە جۆری Exynos 7885
  • ڕام: 3 گێگابایت
  • بیرگە: 32 یان 64 گێگابایت
  • کامێرای پێشەوە: 8 مێگاپێکسڵ
  • کامێرای پشتەوە: دوو کامێرا بە ڕوونی 13+5 مێگاپێکسڵ
  • سیستمی وەگەڕخەر: ئەندرۆید 8.1
  • توانستی پاتری: 5000 ملی ئەمپێر
  • نرخ: 12990 ڕوبیەی هیندی / 182$ دۆلار

22 كانونی دووه‌م، 2019
ئاڤاتار
ناوم هاوژین یونسە، وەک نووسەر لە ماڵپەڕی کەی ئای تی ئێندا کاردەکەم و هەندێک شارەزاییم هەیە لە سیستمەکانی ئەندرۆید و ئای ئۆ ئێس و ویندۆز و ئاگاداری نوێترین هەواڵە تەکنەلۆژییەکانم، هەروەها گرنگی بە هەواڵی یاریە ڤیدۆیەکان دەدەم و حەز و ئارەزوویەکی زۆرم هەیە بۆ یاریە ڤیدیۆیەکان بە تایبەت زنجیرەی یاریەکانی Assassin's Creed، وە ئامانجیشم پێشخستنی بواری تەکنەلۆژیایە لە کۆمەڵگای کوردیدا و ناساندنی زیاتری تەکنەلۆژیایە بە هەر تاکێکی کورد.
891