ئەپڵ

ئەپڵ داهاتی چارەکی یەکەمی ئەمساڵی بڵاو کردەوە

کۆمپانیای ئەپڵ بە ناخۆشترین ساتەوەختەکانیدا تێدەپەڕێت لە دوای کەمکردنی فرۆشی ئایفۆنە نوێیەکانی و کەمکردنی بەهای کۆمپانیاکە، ئەمڕۆ کۆمپانیاکە داهاتی چارەکی یەکەمی ئەمساڵی بڵاوکردەوە و ئەمیشیان هیچ جێگای دڵخۆشی نییە بۆ کۆمپانیاکە.

بە پێی کۆمپانیاکە بێت داهاتی لە چارەکی یەکەمی ئەمساڵدا 84.3 ملیار دۆلار بووە کە بڕی 19.97 ملیار دۆلاریان لە ماوەی پشووەکاندا بووە، ئەمەش لە کاتێکدایە کە داهاتی کۆمپانیاکە لە چارەکی یەکەمی پار ساڵ 88.3 ملیار دۆلار ببو. ئەپڵ ئاشکراکردنی داهاتەکەی بە بێ ئاماژەدان بە فرۆشتنی یەکەی ئایفۆن بووە، بەڵام پێگەی Strategy Analytics ئاماژە بە فرۆشتنی یەکەی ئایفۆنی کۆمپانیاکە دەدات و دەڵێت؛ 65.9 ملیۆن دانە لە ئایفۆن لە چارەکی یەکەمی ئەمساڵدا فرۆشراوە، ئەمە لە کاتێکدایە کە ئەپڵ لە کۆتا چارەکی ساڵی پاردا 77.3 ملیۆن ئایفۆنی فرۆشتبوو و بۆ چارەکی یەکەمی ئەمساڵ بە ڕێژەی %15 فرۆشی ئامێرەکە کەمی کردووە.

هەرچەندە ئەپڵ فرۆشتنی یەکەی ئایفۆنی لە ئامارەکەیدا ئاشکرا نەکرد، بەڵام کۆمپانیاکە دەڵێت 900 ملیۆن ئایفۆنی کارکردوو لە ئێستادا بوونی هەیە.

30 كانونی دووه‌م، 2019
ئاڤاتار
خوێندکاری پەیمانگای کۆمپیوتەرم، شارەزایی تەواوم هەیە لە هەریەک لە سیستەمە کارپێکەرەکانی iOS و macOS و Windows. ڕۆژانە و بە بەردەوامی ئاگاداری دواین هەواڵ و گۆڕانکارییەکانی تایبەت بە تەکنەلۆژیام. ئێستا، لە کەی ئای تی ئێن سەرقاڵی نووسینی بابەتی پەیوەندیدار بە تەکنەلۆژیاوەم. دەتوانیت کرتە لە وێنۆچکەی تۆڕە کۆمەڵایەتییەکان بکەیت ئەگەر خوازیاریت پەیوەندیم پێوە بکەیت یاخود ئاگات لە دواین چالاکییەکانم ببێت.
693