هەواڵ

دزەپێکردنی دەنگی زەمین لەرزەی نێو یاری فۆرتنایت

لە ماوەی ڕابردوودا دەنگی زەمین لەرزەی نێو یاری فۆرتنایت دزەیپێکرا و پێشبینیش دەکرێت ئەم ڕووداوە ببێتە کۆتاییهاتنی وەرزی حەوتەمی یاریەکە، لەم بارەیەوە و بە پێی دەنگە دزەپێکراوەکە وا دیارە 50 زەمین لەرزە بوونی دەبێت و هەر یەکێکیشیان لەوەی پێش خۆی بەهێزتر دەبێت، هەتاوەکو ئێستاش زانیاری دیکە لە بارەی ئەم زەمین لەرزەیە و ئەنجامەکانی پاش ڕوودانی بوونی نییە و بێگومان بەکارهێنەرانی ئەم یاریەش دڵخوازی بینینی ئەم ڕووداوەن.

لەم بارەیەوە دەتوانن گوێبیستی دەنگەکە ببن لەو ڤیدیۆیەی خوارەوە، وەک وەبیرهێنانەوەیەک یاری فۆرتنایت یاریەکە لە جۆری باتڵ ڕۆیاڵ و بە خۆڕایی بەردەستە بۆ سەرجەم سەکۆکانی یاریکردن هەروەها بڕیاڕە لە بەرواری 1/3/2019ـدا وەرزی هەشتەمی یاریەکە دەست پێبکات و ئێمەش وەک کەی ئای تی ئێن پاش ڕاگەیاندنی بە فەرمی زانیاری زیاتر لە بارەی وەرزە نوێیەکە بۆ ئێوەی خوێنەر بەردەست دەکەین.

5 شوبات، 2019
ئاڤاتار
ناوم هاوژین یونسە، وەک نووسەرێک لە ماڵپەڕی کەی ئای تی ئێندا کاردەکەم و هەندێک شارەزاییم هەیە لە سیستمەکانی ئەندرۆید و ئای ئۆ ئێس و ویندۆز و ئاگاداری نوێترین هەواڵە تەکنەلۆژییەکانم، ئامانجم پێشخستنی بواری تەکنەلۆژیایە لە کۆمەڵگای کوردیدا و ناساندنی زیاتری تەکنەلۆژیایە بە هەر تاکێکی کورد.
598