کۆمپانیای Sony پەردەی لەسەر مۆبایلی Xperia 1 لادا

کۆمپانیای Sony ژاپۆنی پەردەی لەسەر نوێترین مۆبایلی خۆی بە ناوی Xperia 1 ـەوە لادا کە خاوەنی قەبارە ڕوونمایەکی جیاوازە.

مۆبایلە نوێیەکەی Sony خاوەن ڕوونمایەکە بە قەبارەی 6.5 ئینج و بە چێوەی 21:9 و بە ڕوونی 4K. لە پشتەوە خاوەن 3 کامێرایە بە ڕوونییەکانی 12 مێگاپێکسڵ. پڕۆسێسەری Snapdragon 855 ـی لەسەر جێگیرە و خاوەن ڕامێکە بە فراوانی 6 گێگابایت و خاوەن هەستەوەری پەنجەمۆرە لە لاتەنیشتەوە.

گشت تایبەتمەندییەکانی مۆبایلی Sony Xperia 1:

• ڕوونما: قەبارە 6.5 ئینج لە جۆری OLED بە ڕوونی 4K، بە چێوەی 21:9.
• پڕۆسێسەر: Qualcomm Snapdragon 855.
• گرافیک: Adreno 640.
• ڕام: 6 گێگابایت.
• بیرگە: 128 گێگابایت (زیادکردن لە ڕێگای microSD تاوەکو 512 گێگابایت).
• ئەستووری: 8.2 ملیمەتر.
• کێش: 180 گرام.
• پاتری: 3.330 ملی ئەمپێر/کاتژمێر.
• بارگاویکردنەوە: پشتگیری کردن لە بارگاویکردنەوەی خێرا.
• کامێرای پشتەوە: یەکەم و دووەم و سێیەم: 12 مێگاپێکسڵ بە پشتگیری کردن لە تۆمارکردنی 4K HDR.
• کامێرای پێشەوە(سێڵفی): 8 مێگاپیکسڵ.
• هەستەوەری ئاسایشی: هەستەوەری پەنجەمۆری لاتەنیشت
• دەرچە: USB-C.
• ڕایەڵە: NFC ، Bluetooth 5.0 ،  5CA LTE ، Wi-Fi 802.11a/ac/b/g/n ، Cat. 19 LTE.
• پارێزگاریکردن: دژە ئاو لە جۆرەکانی IP65/68.
• ڕەنگ: ڕەش ، خۆڵەمێشی ، سپی ، پەمەیی.
• سیستەمی کارپێکەر: Android 9 Pie.

لە کۆتاییەکانی بەهاری ئەمساڵدا لە ئەمریکا بەردەست دەکرێت، بەڵام نرخەکانی ئاشکرا نەکراون و هیچ دەنگۆیەک نییە لە بارەیەوە.

ماکوان بەرزان

نووسەر و بەڕێوەبەری نووسین لە کەی ئای تی ئێن. گەشەپێدەری iOS، هەواداری  و خوێندکاری پەیمانگەی زانستی کۆمپیوتەر.