گەرمترین

چەند وێنەیەکی دزەپێکراو دیزاینی مۆبایلی OnePlus 7 ئاشکرا دەکەن

کۆمپانیای وەنپڵەس لە ئامادەکاریدا بۆ نمایشکردنی یەکەمین مۆبایلی خۆی لە ئەمساڵدا. هاوکات هەوادارانی وەنپڵەسیش چاوەڕوانی مۆبایلە نوێیەکەی کۆمپانیاکەن. بەم بۆنەیەوە چەند وێنەیەکی دزەپێکراوی نازیندووی مۆبایلەکە بڵاوکراوەیە.

هەژماری OnLeaks لە تویتەر چەند وێنەیەکی دزەپێکراوی مۆبایلی نوێی وەنپڵەسی بە ناوی OnePlus 7 ـەوە بڵاوکردۆتەوە. لە وێنەکاندا دەردەکەوێت مۆبایلە نوێیەکەی وەنپڵەس خاوەن کامێرایەکی دەرکەوتە دەبێت لە پێشەوە، ئەمەش دەبێتە هۆی نەهێشتنی نۆچ لە سەر ڕووی ڕوونمای مۆبایلەکە. هەروەها چوارچێوەی ڕوونمای مۆبایلەکەش تەنکتر کراوە.

وێنەکان دەری دەخەن کە مۆبایلە نوێیەکەی وەنپڵەس خاوەن ڕوونمایەکی گەورە دەبێت بە قەبارەی 6.5 ئینج و ئەستووری مۆبایلەکە 8.8 میلیمەتر دەبێت. لە پشتەوە خاوەن 3 کامێرا دەبێت (ڕوونی هیچ کامیان ئاشکرا نەکراوە)، هەروەها خاوەن دەرچەی USB-C دەبێت و دەرچەی بیستۆک بە لابراوی ماوەتەوە. بە هۆی دەرنەکەوتنی هەستەوەری پەنجەمۆر لە پشتەوە، ئەگەر زۆرە مۆبایلەکە خاوەن هەستەوەری پەنجەمۆری سەر ڕوونما بێت.

ئەمانە گشت زانیارییە بەردەستەکان بوون. لە کاتی هەبوونی هەر زانیارییەکی زیاتر دەربارەی مۆبایلەکە، بە بابەتێکی جیاواز دەیخەینە بەردەستتان.

سەرچاوە :

4 ئازار، 2019
ئاڤاتار
خوێندکاری پەیمانگای کۆمپیوتەرم، شارەزایی تەواوم هەیە لە هەریەک لە سیستەمە کارپێکەرەکانی iOS و macOS و Windows. ڕۆژانە و بە بەردەوامی ئاگاداری دواین هەواڵ و گۆڕانکارییەکانی تایبەت بە تەکنەلۆژیام. ئێستا، لە کەی ئای تی ئێن سەرقاڵی نووسینی بابەتی پەیوەندیدار بە تەکنەلۆژیاوەم. دەتوانیت کرتە لە وێنۆچکەی تۆڕە کۆمەڵایەتییەکان بکەیت ئەگەر خوازیاریت پەیوەندیم پێوە بکەیت یاخود ئاگات لە دواین چالاکییەکانم ببێت.
516