هەواڵ 4, ئازار 2019

ڤیڤۆ مۆبایلی Vivo iQOOـی تایبەت بە گەیمەران بە ڕامی 12 گێگابایت و پڕۆسێسەری Snapdragon 855ـەوە ڕاگەیاند

پاش زنجیرەیەکی دوور و درێژ لە ڕاپۆرتە دزەپێکراوەکان نیشانەی بازرگانی iQOOـی سەر بە ڤیڤۆ مۆبایلی Vivo iQOO بە فەرمی ڕاگەیاند، مۆبایلەکە تایبەتە بە گەیمەران ئەمەش بە واتای ئەوە دێت پێشبڕکێ لە پێشبڕکێدایە لەگەڵ مۆبایلەکانی Nubia Red Magic Mars و Asus ROG Phone و Xiaomi BlackShark Helo و Razer Phone 2 کە تایبەتن بە گەیمەران.

لە ڕووی تایبەتمەندیەوە Vivo iQOO خاوەنی کۆمەڵێک تایبەتمەندی زۆر ناوازەیە بە شێوەیەک کاردەکات بە پڕۆسێسەری بەهێزی کوالکۆم Snapdragon 855 و خاوەنی ڕامێکە بە قەبارەی 12 گێگابایت و پشتگیریش لە هەستەوەری پەنجەمۆری ژێر ڕوونما دەکات، هەروەها لە ڕووکاری پێشەوە خاوەنی کامێرایەکە و لە پشتیشەوە خاوەنی سێ کامێرایە.

لەگەڵ هەموو ئەم تایبەتمەندیە ناوازانەشدا مۆبایلەکە خاوەنی پاتریەکی بەهێزە بە توانستی 4000 ملی ئەمپێر و پشتگیری لە بارگاویکەرەوەی خێرای FlashCharge دەکات بە خێرایی 44 وات، بە شێوەیەک تەنها لە ماوەی 15 خولەکدا نزیکی لە سەدا 50%ـی مۆبایلەکە بارگاوی دەکاتەوە و لە ماوەی 45 خولەکیشدا بە تەواوی مۆبایلەکە بارگاوی دەکاتەوە.

هەروەک ئاماژەمان پێکرد مۆبایلەکە تایبەتە بە گەیمەران هەر بۆیە کۆمپانیای ڤیڤۆ  سیستمی ساردکەرەوە Colling Turbo و چەندین تایبەتمەندی ناوازەی دیکەی وەک AI Turbo و Center Turbo و Net Turbo و Game Turbo لە مۆبایلەکەدا بەردەست کردووە و هەموو ئەم تایبەتمەندیانەشی کۆکردووەتەوە لە ژێر ناوی Multi-Turboـدا و بە هۆیەوە ئەپەکان بە ڕێژەی لە سەدا 30% خێراتر دەکرێنەوە و ڕێژەی FPSـیش بەرزتر دەبێتەوە بە ڕێژەی لە سەدا 70%.

سەبارەت بە نرخ و جۆرە بەردەستبووەکان لە مۆبایلەکە ئەوا Vivo iQOO بەردەستە بە هەڵبژاردەی 6GB/128GB و 8GB/128GB و 8GB/256GB و 12GB/256GB، هەروەها لە بارەی ڕەنگەوە ئەوا سێ جۆری یەکەم بەردەستن بە ڕەنگەکانی پرتەقاڵی و شین بەڵام جۆری 12GB/256GB تەنها بە ڕەنگی ڕەش بەردەستە.

گرنگترین تایبەتمەندیەکان:-

  • ڕوونما: لە جۆری AMOLED و بە قەبارەی 6.41 ئینج و بە ڕوونی 1080×2340 پێکسڵ و بە دووری 19.5:9
  • پڕۆسێسەر: Snapdragon 855
  • پڕۆسێسەری گرافیک: Adreno 640
  • ڕام: 6 و 8 و 12 گێگابایت
  • بیرگە: 128 و 256 گێگابایت و پشتگیری لە بیرگەی دەرەکی MicroSD ناکات
  • سیستمی وەگەڕخەر: ئەندرۆید پای 9.0 بە ڕووکاری Funtouch 9
  • کامێرای پێشەوە: 12 مێگاپێکسڵ
  • کامێرای پشتەوە: سێ کامێرای بە ڕوونی 12+13+2 مێگاپێکسڵ
  • توانستی پاتری: 4000 ملی ئەمپێر و پشتگیری لە بارگاویکەرەوەی خێرای FlashCharge دەکات بە خێرایی 44 وات ( لە ماوەی 15 خولەک لە سەدا 50% بارگاویدەبێتەوە و لە ماوەی 45 خولەکدا لە سەدا 100% بارگاویدەبێتەوە)
  • پاراستن: هەستەوەری پەنجەمۆری ژێر ڕوونما
  • ڕەنگ: پرتەقاڵی و ڕەش و شین
  • نرخ: 447$ بۆ جۆری 6GB/128GB و 491$ بۆ جۆری 8GB/128GB و 536$ بۆ جۆری 8GB/256GB و 640$ بۆ جۆری 12GB/256GB
  • بەرواری بەردەستبوون: لە ئێستادا بەردەستە

بینەری نوێترین ڤیدیۆمان بن لە یوتیوب، تێیدا پێداچوونەوەمان بە یاری Jump Forceـدا کردووە:-

تاگەکان Vivo iQOO
بۆچونی تۆ