هەواڵ

زانیاری دەربارەی ئەو نوێکارییانەی ڕەوانەی یاری Jump Force دەکرێت لە ساڵی 2019ـدا

کۆمپانیای Bandai Namco بە فەرمی نوێکاریە ڕەونەکراوەکانی بۆ یاری Jump Force لە ساڵی 2019ـدا ڕاگەیاند، ستۆدیۆکە سەرەتا لە مانگی چواردا نوێکاریەکی سادەی خۆڕایی ڕەوانە دەکات پاشان لە مانگی پێنجدا یەکەمین نوێکاری بە پارە ڕەوانە دەکات و تیایدا کەسایەتی Seito Kaiba و دوو کەسایەتی دیکەش کە بە فەرمی ناوەکانیان ئاشکرا نەکراوە بۆ یاریەکە زیاد دەکرێن، ستۆدیۆ لە نوێکارییە خۆڕاییەکانی بەردەوام دەبێت لە هەردوو مانگی شەش و حەوتدا پاشان لە مانگی هەشتدا نوێکارییەکی بە پارە ڕەوانە دەکات و سێ کەسایەتی نوێ بۆ یاریەکە زیاد دەکات.

ئەمەش بە واتای ئەوە دێت یاریەکە بە درێژایی ساڵی 2019 شەش کەسایەتی نوێی بۆ زیاد دەکرێت و تۆی بەکارهێنەریش ئەگەر بتەوێت کەسایەتیەکان تاقیبکەیتەوە پێویستە سەرجەمیان بکڕیت، هەرچەندە یاریەکە نوێکاری خۆڕایی بۆ ڕەوانە دەکرێت بەڵام تەنها هەندێک Eventsـە و بەراورد ناکرێن بە نوێکارییە بە پارەکان کە تیایدا کەسایەتی نوێ زیاد دەکرێن، یاری Jump Force لە ئێستادا بۆ بەکارهێنەرانی کۆمپیوتەر و پلەیستەیشن 4 و ئێکس بۆکس وەن بەردەستە.

بینەری پێداچوونەوەمان بە یاری Jump Force لە کەناڵی یوتیوبی کەی ئای تی ئێن:-

19 ئازار، 2019
ئاڤاتار
ناوم هاوژین یونسە، وەک نووسەر لە ماڵپەڕی کەی ئای تی ئێندا کاردەکەم و هەندێک شارەزاییم هەیە لە سیستمەکانی ئەندرۆید و ئای ئۆ ئێس و ویندۆز و ئاگاداری نوێترین هەواڵە تەکنەلۆژییەکانم، هەروەها گرنگی بە هەواڵی یاریە ڤیدۆیەکان دەدەم و حەز و ئارەزوویەکی زۆرم هەیە بۆ یاریە ڤیدیۆیەکان بە تایبەت زنجیرەی یاریەکانی Assassin's Creed، وە ئامانجیشم پێشخستنی بواری تەکنەلۆژیایە لە کۆمەڵگای کوردیدا و ناساندنی زیاتری تەکنەلۆژیایە بە هەر تاکێکی کورد.
721