ئەپڵ

ئەپڵ خزمەتگوزاری + Apple News ـی تایبەت بە گۆڤارەکان (Magazines) ڕاگەیاند

لە کۆنگرەیەکی تایبەتدا ئەمڕۆ کۆمپانیای ئەپڵ خزمەتگوزاری + Apple News ـی ڕاگەیاند.

خزمەتگوزارییەکە تایبەتە بە گۆڤارەکان (Magazines). لە نێویدا 300 گۆڤاری جۆراوجۆر بوونی هەیە، بەشێک لەو گۆڤارە بەناوبانگانە: National Geographic، Popular Science ، New Yorker ، Vogue ، Rolling Stone و زیاتر.

بەژداریکردن بە پارەیە و پێویستە مانگانە 9.99$ بدرێت لە بەرامبەر بەکارهێنانیدا. خاوەن ڕووکارێکی سادەیە و پشتگیری لە بەرگی وێنەیی جوڵاو و ڤیدیۆی نێو گۆڤارەکان دەکات.

ئەپڵ ڕایگەیاند مانگانە زیاتر لە 5 ملیار بابەت و هەواڵ لە نێو ئەپی Apple News ـدا بڵاودەکرێنەوە، بەمەش ئەپەکە بووەتە خاوەن پلەی ئەپەکانی نێو چەشنی هەواڵەکان.

خزمەتگوزاری + Apple News لە ئەمڕۆوە لە ویلایەتە یەکگرتووەکانی ئەمریکا و کەنەدا بەردەست دەکرێت. لە نێو ئەپی Apple News ـی نێو ئایفۆن و ئاپیاد و ماکەکاندا بەکاردێت. لە کۆتایی ئەمساڵدا لە هەریەکە لە وڵاتانی شانشینی یەکگرتووی بەریتانیا و ئوستڕاڵیا بەردەست دەکرێت.

25 ئازار، 2019
ئاڤاتار
خوێندکاری پەیمانگای کۆمپیوتەرم، شارەزایی تەواوم هەیە لە هەریەک لە سیستەمە کارپێکەرەکانی iOS و macOS و Windows. لەگەڵ جیهانی تەکنەلۆژیادا تێکەڵم و ئاگاداری دواین هەواڵەکانی تەکنەلۆژیام بە گشتی. خولیام بۆ ته‌كنه‌لۆژیا وای كرد كه‌ له‌ كه‌ی ئای تی ئێن درێژە بە خزمەتەکانم بدەم و بەردەوامبم لە گەیاندنی هەواڵە گرنگ و نوێیەکانی تەکنەلۆژیا بە شێوەیەکی درووست بە خوێنەرانی کورد.
424